Rost24.uz saytida O`zbekistonda 1-raqamli, jahonning 4 ta sifat sertifikatini qo`lga kiritgan «Coca-Cola Ichimligi Uzbekiston, Ltd»ning 57,118 foizlik davlat ulushi sotuvga qo`yilgani haqida maqola berilgan edi.
Maqolada davlat aktivlarini boshqarish agentligi mazkur kompaniyaning davlat ulushlarini o`ta arzon narxga baholagani va xaridorlarga qat`iy cheklovlar qo`ygani tanqid ostiga olingan edi.
Korrupsiyaga qarshi kurashish agentligi tomonidan O`zbekiston Respublikasi Davlat aktivlarini boshqarish agentligiga «Coca-Cola Ichimligi Uzbekiston, Ltd» MChJning 57,118 foizlik davlat ulushi sotilishi jarayonining shaffof va qonuniy o`tkazilishini hamda korrupsion holatlarga yo`l qo`yilmasligini nazoratga olishni so`rab xat yuborilgan. Bu haqda agentlikning matbuot xizmati xabar berdi.
Agentlikning qo`shimcha qilishicha, jarayon xat yuborish bilan to`xtab qolmaydi. Korrupsiyaga qarshi kurashish agentligi vaziyatni o`rganib, qo`shimcha ma`lumotlar bilan tanishtirib boradi.
УЗ
-middle.jpg)
