Andijon shahar sobiq hokimi Baxrom Xaydarov 10 yilga qamaldi
Oliy sud Jinoyat ishlari bo`yicha sudlov hay`atining 2022 yil 26 dekabrdagi hukmiga ko`ra:
Andijon shahar sobiq hokimi Baxrom Xaydarov 3 yil mansabdorlik va moddiy javobgarlik yuklatilgan lavozimlarda ishlash huquqidan mahrum qilindi hamda unga nisbatan 10 yil ozodlikdan mahrum qilish va BHMning 350 baravari, ya`ni 85 750 000 so`m jarima jazosi tayinlandi.
Jinoyat ishi doirasida:
S.Yulchievaga nisbatan 3 yil mansabdorlik va moddiy javobgarlik yuklatilgan lavozimlarda ishlash huquqidan mahrum qilingan holda, 8 yil 6 oy ozodlikdan mahrum qilish jazosi tayinlandi;
K.Asqarovga nisbatan 3 yil mansabdorlik va moddiy javobgarlik yuklatilgan lavozimlarda ishlash huquqidan mahrum qilingan holda, 10 yil 6 oy ozodlikdan mahrum qilish jazosi tayinlandi;
F.Mullajanovga nisbatan 3 yil mansabdorlik va moddiy javobgarlik yuklatilgan lavozimlarda ishlash huquqidan mahrum qilingan holda, 8 yil ozodlikdan mahrum qilish jazosi tayinlandi;
Sh.Xashimovga nisbatan 3 yil mansabdorlik va moddiy javobgarlik yuklatilgan lavozimlarda ishlash huquqidan mahrum qilingan holda, 8 yil ozodlikdan mahrum qilish jazosi tayinlandi.
Bundan tashqari, yana 40 nafar sudlanuvchiga nisbatan sodir qilgan jinoiy harakatlari doirasida tegishliligi bo`yicha 4 yildan 8 yilgacha ozodlikdan mahrum qilish, 2 yilgacha ozodlikni cheklash hamda 2 yildan 3 yilgacha axloq tuzatish jazolari tayinlandi.
Jinoyat oqibatida davlatga etkazilgan 63 mlrd so`mdan ziyod moddiy zararning 16 mlrd so`mdan ortig`i qoplangan bo`lib, zararning qolgan qismini sudlanuvchilardan solidar tartibda undirish belgilandi.
УЗ
