Allamjonov otaliqqa olgan maktabga Ortiqxo`jaev mablag` ajratdi. Allamjonov «otaliqqa oldim», deganda maktabni odatiy byudjet mablag`i evaziga yuqori texnologiya bilan ta`minlashni nazarda tutganmidi?
Toshkent shahar hokimligi 19 dekabr sanasida Olmazor tumanida joylashgan 134-maktabni elektron doskalar bilan ta`minlash uchun 783 million so`m pul ajratgan. Elektron doskalarning narxi internet do`konlaridagi e`lonlarga qaraganda o`rtacha 3 milliondan 10 milliongacha ekanligini ko`rish mumkin.
Prezident Administrasiyasi rahbari o`rinbosari Komil Allamjonov shu yilning 26 iyul sanasida 134 maktabni otaliqqa olganini ma`lum qilgan edi. U o`zining ijtimoiy tarmoqdagi sahifasida «O`zim o`qigan Qoraqamish-2/4, Tansiqboev 3 massivida 134-maktabni o`z hisobimdan otalig`imga oldim. Bu erni sport maydonlaridan tortib, o`qish sifati, kitoblar va o`qituvchilar malakasini oshirish, yangi texnologiyalarni joriy etish bo`yicha aprobasiya maktabiga aylantirmoqchimiz», deya post qoldirgan edi. Allamjonov otaliqqa olgan maktabni davlat byudjeti evaziga yuqori texnologiyalar bilan ta`minlashni nazarda tutganmidi?
Toshkent shahrida mablag` va ta`mirlanishga muhtoj qator maktablar mavjud bo`lgan bir vaqtda, hokimlik aynan prezident administrasiyasi rahbariyati vakili tomonidan otaliqqa olingan maktabga mablag` ajratdi. Aynan Toshkent shahar hokimligi tomonidan mablag` ajratilishi kechiktirilishi va mablag` etishmasligi tufayli qator maktablarda o`quvchilar ikki smenali ravishda o`qib kelmoqda. Hamda qator maktablar ta`mirlanishga muhtojligicha qolmoqda.
УЗ
-middle.jpg)
