Jurnalist Ilyos Safarov yomon ishlaydigan idoralarni tezda sanab o`tdi, yaxshilarini aytishda esa qiynaldi

06.12.2022 12:40

2002 yilda eng yaxshi ishlagan idora qaysi, amaldorchi? kun.uz tahririyati muxbiri Ilyos Safarov Rost24.uz o`tkazayotgan «Yil tanlovi» nominantlari bo`yicha o`z kuzatuvlarini bildirib o`tdi:

«2022 yilning yil odami» kim?

- Bu tanlovlaringizda men uch yildan beri qatnashib kelaman va ovoz bergan odamlarim «Yil odami» bo`lib kelyapti. Bu yil Rost24.uz tarmog`ini ham shu savol qo`yilganda kuzatdim. Kimdir Erkinjon Bozorov yana kimdir Rasul Kusherbaevni aytyapti. Bu tanlovda yil odamini aniqlashda millatga, xalqqa naf keltirayotgan, bilim berayotgan odamni tanlash kerak. Shu ma`noda mana shu yil siyosatshunos Kamoliddin Rabbimovning xizmatlari juda katta bo`ldi.

«2022 yilning eng namunali vazirligi»

- Vazirliklarni birma-bir ko`rib chiqdim. To`g`risini aytaman birorta vazirlikning ishidan unaqa qoniqmadim. Ko`rib hammasini tez-tez o`tkazib yubordim. Lekin nisbatan AKT sohasida ozmi ko`pmi xizmat qilayotgan Sherzod Shermatovni ikkilanish bilan aytish mumkin. Nisbatan yangi, qaytib borgan vazirligida ozmi ko`pmi ish qilyapti, deb o`ylayman.

«2022 yilda ishlay olmagan vazirlik»

- Hamma vazirlikda imkoniyat bor. Qo`shtirnoq ichida katta xizmat qilishdi ushbu nominasiyada o`rin olish uchun. Menimcha baribir eng katta rivojlanishni asosi bo`la oladigan, ko`p ish qilishi kerak bo`lgani aslida Xalq ta`limi vazirligi. Lekin mana shu vazirlikka yangi rahbar sifatida kelgan Baxtiyor Saidovni ishidan shaxsan men qoniqmadim. Bunda bir qancha asoslarim bor. Masalan Xalq ta`limi tizimida bu kishi rahbar bo`lib kelishidan oldin boshlangan islohotlar joylarga etib bormadi.

«2022 yilning eng namunali hududi»

- Eng namunali hokim, yo`q birortasiga bermayman

«2022 yilning namunali matbuot kotibi»

- Yoshlar ishlari agentligi matbuot xizmati rahbari Nodir Abduqodirovni bu yil qo`ygan bo`lardim.

«2022 yilning media lideri»

- Azon.uz sayti ancha ishlar qilayapti. Faoliyatini hurmat bilan kuzataman. Menimcha ushbu saytni butun jamoasi media lider bo`ldi.

«2022 yilning eng namunali deputati»

- Ko`paysin imkoniyat beraylik Doniyor G`aniev ham ancha ish qildi. Doniyor G`anievning faoliyatiga ham ko`p bosimlar bo`ladi. Shaxsan menga bergan intervyularidan keyin ham juda ko`p bosimlar bo`lganini bilaman. Shu sababli keyingi intervyularga chaqirishda ham muammolar bo`lgan. Ozgina qo`llab-quvvatlaylik Doniyor G`aniev ham bo`la qolsin.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
12
Изоҳ қолдириш
Изоҳлар
13.12.2022 12:27
Donyor G'aniyev va Kamoliddin Rabbimov borasidagi fikrlariga qo'shilaman. «2022 йилда ишлай олмаган вазирлик» bu borada xalq ta'limi vazirligi xam albbata bu o'ringa juda yarashib turibdi lekin mani fikrimcha Monopoliyaga qarshi kurashish qo‘mitasini eng lattaga o'xshab iwlagan vazirlik (qo'mita) sifatida ko'raman.