Davlatning yuqori organlari amaldorlari bilan tanishtirishda davom etamiz. Prezident administrasiyasida O`zbekistonning davlat boshqaruvi organlari va tashkilotlarida kadrlar boshqaruvi hamda inson resurslarini rivojlantirish sohasidagi yagona davlat siyosatini amalga oshirish uchun mas`ul bo`lgan shaxslar kim?
O`zbekiston Respublikasi prezidentining davlat xizmati va hokimiyat vakillik organlari bilan hamkorlik qilish masalalari bo`yicha maslahatchisi lavozimi hozirda vakant. Ushbu lavozimda bundan avval Umar Ismoilov va hozirda Davlat soliq qo`mitasi rahbari bo`lgan Sherzod Kudbievlar faoliyat olib borgan. Hozircha uning vazifasi birinchi o`rinbosar tomonidan muvofiqlashtirib turilibdi.
KURANBAEV Kaxramon Kuchkarovich — O`zbekiston Respublikasi Prezidentining davlat xizmati va hokimiyat vakillik organlari bilan hamkorlik qilish masalalari bo`yicha maslahatchisining birinchi o`rinbosari
Bungacha u «Kamolot» yoshlar ijtimoiy harakati Markaziy Kengashi raisining birinchi o`rinbosari, Mirzo Ulug`bek nomidagi O`zbekiston Milliy universiteti Ma`naviyat va ma`rifat ishlari bo`yicha prorektori bo`lgan. O`zbekiston Respublikasi Prezidenti huzuridagi Davlat boshqaruvi akademiyasi Ma`naviy-ma`rifiy ishlar bo`yicha prorektori, Respublika Ma`naviyat targ`ibot markazi rahbari O`zbekiston Milliy teleradiokompaniyasi raisining birinchi o`rinbosari, lavozimlarida ishlagan.
***
ISMAILOV Umar Sapaevich - O`zbekiston Respublikasi Prezidentining davlat xizmati va hokimiyat vakillik organlari bilan hamkorlik qilish masalalari bo`yicha maslahatchisi o`rinbosari
Uzoq yillar Davlat xavfsizlik xizmatida faoliyat olib borgan. General mayor. 2003 -2006 yillarda kadrlar masalasi bo`yicha prezident maslahatchisi o`rinbosari bo`lgan. Kudbievgacha u O`zbekiston Respublikasi Prezidentining kadrlar masalalari bo`yicha Davlat maslahatchisi lavozimini egallab kelgan. Turli yillarda O`zbekiston Respublikasi Prezidentining mudofaa masalalari bo`yicha maslahatchisi, O`zbekiston Respublikasi Tashqi ishlar vazirining birinchi o`rinbosari, Oliy Majlisning deputati kabi vazifalarda faoliyat olib borgan.
***
RAXMANKULOV Mir-Akbar Hojiakbarovich — O`zbekiston Respublikasi Prezidentining davlat xizmati va hokimiyat vakillik organlari bilan hamkorlik qilish masalalari bo`yicha maslahatchisi o`rinbosari
Yuridik fanlar doktori, professor, hozirda 70 yoshda. Sobiq Ittifoq davrida Davlat plan komiteti (Gosplan) qoshidagi Iqtisodiyot institutida kichik ilmiy xodimdan katta ilmiy xodimga qadar ishlagan. O`zbekiston Komsomoli Markaziy Qo`mitasining talaba yoshlar bilan ishlash bo`limida faoliyat olib borgan. Mustaqillikdan keyin turli yillarda O`zbekiston Prezidenti huzuridagi Strategik va mintaqalararo tadqiqotlar instituti direktori, O`zbekiston Respublikasi Milliy xavfsizlik kengashi kotibi - O`zbekiston Prezidentining Davlat maslahatchisi, O`zbekiston Respublikasi Oliy Majlisi deputati, Jahon iqtisodiyoti va diplomatiya universiteti ilmiy ishlar bo`yicha prorektori kabi lavozimlarda ishlagan.
Avvalroq prezident adminstrasiyasida lavozimlar soni ortayotgani haqida ma`lumot berilgan edi.
УЗ
-middle.jpg)