Rost24 muxbiri vazirlikdagi o`rinlar qisqarishini so`radi, mutasaddilar esa gapni olib qochdi
Mas`ullarga «Adliya optimallashtirish evaziga 85 mlrd mablag` tejadi, xo`sh ta`lim tizimi ham optimallashtirilsa qancha mablag` tejalishi mumkin?», deb savol berilgan.
Maktabgacha ta`lim vazirligi axborot xizmati rahbari Mavluda Asqarxo`jaeva ushbu savolga shunday javob berdi:
«Davlat xususiy sherikchilik va maktabgacha ta`lim tashkilotlarida talon tarojlikni oldini olish maqsadida nodavlat axborot tizimining shakllantirilganligi bitta misol tariqasida aytib o`tamiz 100 o`rinli maktabgacha ta`lim tashkiloti aslida u erga borayotgan bolalar soni 65-70 ta bo`lishi mumkin. Lekin ish jarayonida bundan oldingiz 2 yil davomida ular qog`oz shaklida davomat yurgizishgan va bunda ularda etmaydigan bolalarning «perepiska» holati bo`lgan. Bu holat oilaviy nodavlat tashkilotlarida ham bo`lib 25 ta bola bo`lsa 17 bola haqiqatdan borgan holatlar aniqlangan. Endi bunga byudjetdan ketadigan mablag`larni hisoblab ko`ring».
Xalq ta`limi vazirligi Ichki audit boshqarmasi boshlig`i Burxon Ahmedov ham ushbu savol javobiga qo`shimcha fikr bildirib o`tdi:
- «Optimizasiya deganda mablag`ni tejash tushuniladi. Agar biz xalq ta`limi tizimini hamma joyini bir ko`rib chiqadigan bo`lsak yildan yilga o`quvchi soni ko`paymoqda. Bu esa yana sinf, yana o`qituvchi kerak degani. Bu esa optimizasiya deganga to`g`ri kelmaydi».
Aslida Adliya xodimlarni qisqartirish orqali shuncha mablag` tejagan edi. Biz bergan savolda ham aynan tizimdagi xodimlar nazarda tutilgan edi. Ammo mas`ullar yo savolni tushunmadi, yoki gapni boshqa tomonga olib qochish orqali vaziyatdan qutulishga harakat qildi.
Eslatib o`tamiz, hozirda O`zbekistonda 25 vazirlik, ijro etuvchi hokimiyat tizimida 34 agentlik, 10 davlat qo`mitasi, 6 qo`mita, 15 inspeksiya, 6 markaz, 2 markaziy muassasa faoliyat olib bormoqda.
Videoda ko`ring:
УЗ
