Ma`naviyat va ma`rifat targ`iboti uchun 30 yil davomida milliardlab mablag`lar sarflanib kelinadi. Milliy g`urur, istiqlol g`oyasi kabilar darsliklarga kiritilgan, fan sifatida o`qitiladi, butun boshli telekanallar uning targ`iboti uchun safarbar etilgan. Ijtimoiy- ma`naviy tadqiqotlar instituti direktori esa, o`zbekistonliklar fikr qaramligidan to`liq xalos bo`lmaganini aytmoqda.
«Biz hali tafakkur qulligidan, fikr qaramligidan to`laqonli xalos bo`lganimiz yo`q», deydi Ijtimoiy-ma`naviy tadqiqotlar instituti direktori Olimjon Davlatov.
Rost24.uz sayti «Rus propaganda mashinasi natija beryapti. O`zbekistonliklar kim tomonda?» nomli maqola yuzasidan Respublika Ma`naviyat va ma`rifat markazi huzuridagi Ijtimoiy-ma`naviy tadqiqotlar instituti direktori Olimjon Davlatovni suhbatga tortdi. Ma`naviyat targ`iboti uchun milliardlab mablag`lar sarflanganiga qaramay nima uchun odamlar siyosiy qarashida hamon rossiyaparastlik sezilmoqda? Bu masala bo`yicha tadqiqot markazi direktori Olimjon Davlatovning fikrlari bilan qiziqdik.
Olimjon Davlatovning aytishicha, odamlarning sovet ittifoqini qo`msashi, katta davlatlarga nisbatan mahliyoligi bor narsa. Ammo, shunga qaramay aksariyat odamlar Rossiya tarafini olishida "Rost24" tahririyatining ham aybi bor. Ya`ni «savol noto`g`ri qo`yilgan», deydi markaz direktori.
Shuningdek, odamlarning aksari Rossiya taraf bo`lishini Olimjon Davlatov fikrlar xilma-xilligi, plyuralizm sifatida qabul qilishimiz kerakligini bildirdi. U odamlarda siyosiy ong, tafakkur o`sganidan xursand ekanligini ham aytib o`tdi. Ammo, suhbat asnosida u bir vaqtning o`zida o`zbekistonliklar mustamlaka davlatga bo`lgan moyillik va fikriy qaramlikdan ham xalos bo`lmaganlarini aytgan. Uning fikricha siyosiy mustaqillik, so`ng iqtisodiy va oxiri odamlar ongidagi fikr mustaqilligiga erishiladi. Olimjon Davlatov yillar davomida ma`naviyat targ`ibotiga sovurilgan milliardlar haqida gapirganda, u bu soha 40 yildan keyingina natija berishini eslatdi.
Videoda ko`ring:
УЗ
-middle.jpg)
