Qariyb 9 oydan buyon urush davom etmoqda. Kuni kecha Donesk, Lugansk Xalq Respublikalari va Xerson, Zaporoje viloyatlaridagi referendum natijalari e`lon qilindi. Natijalar Rossiya kutganidek. Zero, urush qurollari ishga tushishidan oldin harakatga kelgan propaganda mashinasi ta`siridagi hududdan bundan boshqacha natijani kutish ham mumkin emasdi.
Saylov byulletenlarining 100 foizi ko`rib chiqilgach, Rossiya tarkibiga qo`shilish uchun ovoz berganlar Xerson viloyatida - 87,05%, Zaporojeda — 93,11%, DXRda - 99,23%, LXRda - 98,42% ni tashkil etgani ma`lum bo`ldi. Bu natijalar Ukraina-Rossiya o`rtasidagi ziddiyatni yanada qaltislashuviga olib kelmoqda.
Rost24.uz ayni mavzu fonida kichik so`rovnoma o`tkazdi.
O`zbekistonliklar Rossiya tarafdami yoki Ukraina?
Muxbirlarimiz tomonidan yuzga yaqin fuqarodan fikr olindi. Aksariyat respondentlar bu urushda Rossiya tomonida ekanligini aytishgan. Chunki:
— Rossiyada bizning xalqimiz ishlayapti, ancha borib ishlashga (pul topishga) yaxshi.
— Rossiya baribir Rossiya. Biz Rossiya davri odamlarimiz.
— SSSR tomondamanda! Yoshligimdan eshitib kelganman, oldin birga bo`lishgan, bizga yordam bergan.
— Rossiyada harbiy xizmatda bo`lganmiz.
— Ukraina kichkina bir davlat bo`lsa, Amerika uni «gich-gichlab» yotibdi. Buni hamma bilib turibdiku! Bechora oddiy xalq qiynalib ketdi. Odamlar bekordan bekor o`lib ketyapti. Bu Rossiyaga ham alam qilmaydimi, o`zining rusini o`zi o`ldiryapti?!
— Men Putin tomonidaman. Uning siyosatini to`g`ri deb bilaman.
— Bizning xalqimiz ko`proq Rossiyada bo`lsa kerak, shuning uchun men u tomonidaman.
— Men Rossiyaning davrida katta bo`ldim. Nimaga Ukrainaning yonini olishim kerak?! Men u erda xizmat qilganman, ular qanday muomalada bo`lishini juda yaxshi bilaman.
So`rovnoma davomida betaraflar, oz sonli bo`lsada Ukraina tomonida bo`lganlar ham bo`ldi.
Ular tinchlik bo`lishini, o`zaro kelishuv bilan urushga chek qo`yilishi, bekordan bekorga ikki davlatning ham odamlarni qurbon bo`layotganini aytishdi.
Batafsil videoda tomosha qiling!
УЗ
-middle.jpg)