Respublikada yagona “Tadbirkorlar maktabi” o`quv markazida o`tgan sakkiz oy davomida 260 dan ziyod tinglovchi tahsil olib, maxsus sertifikatga ega bo`ldi.
Xo`sh, markaz nima maqsadda va kimlarga uchun tashkil etilgan?!
O`quv markazi qurilish materiallari ishlab chiqarishda tashabbuskor tadbirkorlarning sohadagi malaka darajasini muntazam oshirib borish, ilg`or arxitektura va dizaynerlik tamoyillariga asoslangan “kelajak materiallari” nomenklaturasini kengaytirish hamda ishlab chiqarishda xalqaro standartlarni keng joriy etish maqsadida tashkil qilingan.
Shuningdek, markaz faoliyati bo`lajak tadbirkorlarning moliya, soliq, marketing va huquqiy savodxonligini oshirish, ilg`or va zamonaviy texnologiyalar, ishlanmalar, bilimlar va ilm-fan yutuqlaridan foydalangan holda qurilish materiallari ishlab chiqaruvchi yangi tadbirkorlarni kashf etishga qaratilgan.
Bugungi kunda “Tadbirkorlar maktabi”da qurilish materiallari ishlab chiqarish sohasida o`z biznesini boshlash niyatidagi tadbirkorlar, qurilish materiallari ishlab chiqaruvchi korxona va tashkilotlar xodimlari, shuningdek, keng jamoatchilik vakillari o`z malaka va ko`nikmalarini oshirib kelmoqda.
Markazda o`quv jarayonlari qanday tashkil qilingan?
Markazda 10 dan ortiq oliy ta`lim muassasalari, ilmiy tadqiqot institutlari bilan o`zaro hamkorlik o`rnatilgan.
Mashg`ulotlar zamonaviy o`quv dasturlari va yangi ta`lim metodlari asosida quyidagi 4 ta modulga ajratilgan holda olib boriladi:
– Devorbop qurilish materiallari;
– fasadlar uchun pardozlash qurilish materiallari;
– qoplamalar va pol qoplamalari;
– issiqlik saqlovchi qurilish materiallari;
– sement ishlab chiqarish.
72 soatga mo`ljallangan kurslar chuqur malaka va ko`nikmaga ega fan nomzodlari, fan doktorlari, professorlar tomonidan o`tkaziladi.
Bitiruvchilarga qurilish materiallari ishlab chiqarishni boshlashlarida konsultativ yordam ham ko`rsatiladi.
Buning uchun o`quv markazi zarur ta`lim vositalari va o`quv qurollari bilan ta`minlangan, adabiyotlar fondi etarli darajada shakllantirilgan.
Ta`lim olish va loyihalarni qo`llab-quvvatlash – mutloqo BEPUL.
Viloyatlardagi xohlovchilar uchun online tarzda bilim olish imkoni mavjud.
Qayd etish joiz, “Tadbirkorlar maktabi” O`zsanoatqurilishbank va “O`zsanoatqurilishmateriallari” uyushmasi hamkorligida “O`zqurilishmaterialLITI” MChJ ilmiy-tadqiqot va injiniring markazi huzurida tashkil etilgan.
Manzil: Toshkent shahar, Yakkasaroy tumani, Tafakkur ko`chasi 68-a uy. “O`zsanoatqurilishmateriallari” uyushmasi binosi.
Kursga arizani onlayn yoki +998 71 2549201 raqami (9:00dan 17:00gacha) orqali qoldirish mumkin.
Bank Axborot xizmati
УЗ
