Yoki O`zbekistonda davlat trollar oldida ojizmi?
Davlat boshqaruvida demokratik yo`lni tanlagan hukumat jurnalistlarning surunkali taxqirlanishiga tomoshabin bo`lib qarab turmasligi lozim.
So`nggi yillarda O`zbekistonda ommaviy axborot xizmatlari erkinlashgani kuzatildi. Shu bilan bir vaqtda hukumat vakillari va amaldorlarni tanqid qilgan jurnalistni ijtimoiy tarmoqlar orqali maxsus uyushtirib, sharmanda qilish holatlari ham ko`payib bormoqda.
Yuqori darajali amaldorlarga tosh otgan jurnalist haqida kun o`tmay turli bo`htonu tuhmatlar paydo bo`lishi tabbiy holga aylangan. Yaqinda Namangan viloyat hokimi Shavkat Abdurazzoqovning qudasiga tegishli deya aytilayotgan tadbirkorlik ob`ektini tanqid qilgan Kun.uz muxbiri Elmurod Ermatov ham internetda trollar «hujumi»ga uchradi.
Trollar erkak jurnalistni “gey”, deb haqoratlaydi yoki ko`pxotinlikda, xiyonatda ayblaydi. Shuningdek, tuhmat tarqatgan taraf tez orada “dahshat” fotolarni ommaga ulashishini ham ogohlantirib qo`yadi. Ta`qibning bu turi so`nggi vaqtda faqatgina amaldorlarni tanqid qilgan ularni biznes imperiyasi tafsilotlarini ochiqlagan jurnalistlarga nisbatan qo`llanilmoqda.
Barcha holatlarda, afsuski, ularni amalga oshirganlar Ichki ishlar tizimi tomonidan aniqlangan va topilgan emas. Shuningdek, mana shunday bo`htonli chiqishlarga nisbatan na Akmal Saidov boshchiligidagi inson huquqlari markazi va na adliya vazirligi yoki boshqa biror uyushma, tashkilotlar tomonidan munosabat bildirilmagan.
Jamiyat erkinligini ta`minlovchi jurnalistlar osonlikcha trollar armiyasi bilan “sharmanda” qilinmoqda va bunga hukumat ko`z yumib kelayapti. Go`yoki hukumat ham trollarga qarshilik bildirmay ularni amalda qo`llayotgandek ko`rinmoqda.
Ko`pincha rasmiylar jurnalistlarni himoya qilishini, ularni ortida “men” borman, deb turishini aytadi, ammo mana shunday bo`htonlar qarshisida esa jurnalistlar doim yolg`iz qolaveradi.
Sonda bor, sifatda yo`q ayrim uyushma rahbarlari esa og`zini ko`pirtirib o`zbek jurnalistlari ichki senzuradan qutila olmayotganini bot-bot takrorlaydi. Huddiki, jurnalistlarga uyushtirilgan ana shunday bo`hton va taqiblardan bexabardek.
Jamiyatni demokratlashuvini ta`minlovchi jurnalistlarga bo`lgan hujumlarga aslida xavfsizligimizni ta`minlashi kerak bo`lgan ayrim xizmat organlari ham befarqdek ko`rinadi. Negaki, shu vaqtgacha jurnalilistlarni ochiqchasiga taqib qilgan bironta akkaunt egasi ochiqlanmadi va topilmadi. Bu holat davlatimiz axborot texnologiyalari bo`yicha qidiruvlarda ojiz ekanligini anglatadimi?
Ammo bir vaqtning o`zida, aksincha hukumat vakillariga nisbatan tarmoqlarda aytilgan haqoratlarning tez orada egasi topilmoqda va jazolanmoqda. Biroq, jurnalistlarning sha`nini himoya qilishga kelganda negadir davlatning mustahkam metin organlari ojizlik qilmoqda yoki biz bilmagan boshqa sabablar bormi?..
Demokratik prinsiplarni qadrlashini bildirayotgan davlat, biz endi ortga qaytmaymiz deydigan rasmiylar o`z manfaati to`qnashmagan joyda onlayn bullinga nisbatan qarshi chora ko`rayotgani yo`q.
Bu masala mana bir necha yildirki, O`zbekiston jamiyatidagi og`riqli masalalardan bo`lib qolayapti. Kechagina jurnalist Elmurod Ermatovga uyushtirilgan trolling ortidan rost24.uz jurnalistlari yana hukumatdan jurnalistlarga qo`llanilayotgan norasmiy tahqirlashga barham berishni so`raydi. Davlat boshqaruvida demokratik yo`lni tanlagan hukumat jurnalistlarning surunkali tahqirlanishiga tomoshabin bo`lib qarab turmasligi lozim.
УЗ
-middle.jpg)
