Shu kunlarda ijtimoiy tarmoqlarda Innovasion rivojlanish vazirining birinchi o`rinbosari lavozimiga tayinlanganiga uch oy bo`lmasdan amaldor Shahlo Turdiqulovaning 10 kunga dam olish uchun xorijga ketgani katta munozaralarga sabab bo`ldi.
Innovasion rivojlanish vazirining birinchi o`rinbosari Shahlo Turdiqulova oilasi bilan Misrning Sharm-al-Shayx shahrida dam olayotgani ijtimoiy tarmoqlarda ochiqlangan edi.
Innovasion rivojlanish vazirligining rost24.uz saytiga ma`lum qilishicha, vazirining o`rinbosari O`zbekistonga qaytib kelgan. Hozirda ish faoliyatini davom ettirmoqda.
Shuningdek, vazirlik vakili "Shahlo Turdiqulovaning qaerda, qanday dam olishi uning shaxsiy ishi hisoblanishi, davlat xizmatchilarining xorijda dam olishi qonunchilikda taqiqlanmagani"ni qo`shimcha qildi.
Shahlo Turdiqulova genetika bo`yicha olib borgan tadqiqotlari tufayli 2018 yilning “Olima ayoli” unvoniga sazovor bo`lgan edi.
Ayni damda O`zbekistonda amaldorlarning xorijda dam olishi, davolanishi hamda xorijiy bankda pul saqlashi taqiqlanmagan. Korrupsiyaga qarshi kurash agentligi bu borada qonunchilikka o`zgartirishlar kiritishni va`da bergan edi.
УЗ
