Byudjetdan 2,6 mlrd olmoqchi bo`lgan Akmal Saidovga Innovasiya vaziri qarshi chiqdi

05.08.2022 11:26

Ba`zi talon-tarojliklar ochiqchasiga amalga oshiriladi. Biroq, uni to`xtatib qoluvchi kuch topilmaydi. Akmal Saidov rahbarlik qilayotgan loyihaga 2,6 mlrd so`m mablag` ajratish so`ralgan edi. Innovasiya vazirligi bunga e`tiroz bildirib, 1 mlrd 932 mln so`m mablag` ajratishni taklif qildi.

Kuni kecha, Innovasion rivojlanish vazirligi hay`ati yig`ilishi bo`lib o`tdi. Unda Akmal Saidov o`zi rahbarligidagi loyiha - «Yangi O`zbekiston taraqqiyot strategiyasi» kitobining mobil ilovasi hamda Yangi O`zbekiston lug`atini ishlab chiqish uchun Innovasiya vazirligidan 2,6 mlrd so`m mablag` ajratish so`radi.

Innovasion rivojlanish vaziri Ibrohim Abdurahmonov yig`ilish davomida, ushbu yirik summani ajratilishi bo`yicha quyidagicha e`tiroz bildirgan:

“…Loyiha noto`g`ri qilinganini ko`rib turibman. Mobil ilova 269 million so`m, qariyb 300 million so`m deylik. Prezidentimiz asarni yozib qo`ygan bo`lsalar, uni yozish kerak bo`lmasa, unga bitta so`z qo`shilmaydi. … Bu pul qaerga ishlatiladi, nega buncha mablag`?...», dedi vazir.

Biroq vazirlikning yig`ilishdan keyingi bayonotiga ko`ra, loyiha rad etilmagan. Aksincha, kengash uni amalga oshirish uchun 1 mlrd. 932 mln. so`m mablag` taklif etgan.

Qo`shimcha qilib, shuni aytish mumkinki, Akmal Saidov tayyor kitobning mobil ilovasi uchun so`ragan mablag`ga bir maktabni zamonaviylashtirib ta`mirlash mumkin. Dasturchi mutaxassislarning fikricha Akmal Saidov so`ragan mablag`ga 150 ming so`zdan iborat o`nlab elektron lug`atlar yaratish mumkin. Shunga qaramay, Innovasiya vaziri Akmal Saidovning g`oyasi uchun qariyb 2 mlrd. So`m mablag` ajratishini ma`lum qilgan.

Bu esa ijtimoiy tarmoqlar foydalanuvchilarining muhokamalariga sabab bo`layapti. Bir qator mutaxassislar bu ilovani yaratish uncha katta mablag` talab etmasligini va bu pullar boshqa kerakli loyihalarga yo`naltirilsa ko`proq samara berishini yozishmoqda. 

Jumladan, Toyloqlik o`quvchi Abrorxon Ahmadxonov «Agar biz telefonlarda ko`rib yurgan ilovalarga o`xshash bo`lsa, shuni o`zim tekinga yasab beraman. Vazir bobolarga ayting, bir mashina pulni davlatdan olishga ehtiyoj yo`q» deya fikr bildirgan o`z kanalida .

 

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
17
Изоҳ қолдириш
Изоҳлар
07.08.2022 11:45
Навоий шахрида Ногиронлар жамияти электр энергиядан телефондан карздорлик учун узиб куйилган.Навоий шахрида 4 мингдан ортик ногиронлиги булган шахслар бор булиб дори дармонга мухтлж. 1 гурух ногирони Б.Якубов операцияга мухтож пул маблаги йук Президентнинг ПК.57 Карори буйича ищ уринлари яратиш учун бир неча марта мурожаат килинди лекин хеч кандай натижа булмади.
06.08.2022 05:28
Демак, Акмал Саидов фирибгар ўғри экан-да..
06.08.2022 04:44
Ўтган даврларга назар ташласак, хамма президентлар китоб ёзишган. Президент ишлаб турган вақтда бу китоблар роса "кўк" ларга кўтарилган ! Кейин эса дўконлардан, кутубхоналардан йиғиштириб олиб қаергадир олиб кетилган. ва бу китоблар хақида унутилган. Албатта китоб яхши бўлса халқ уни сақлайди ва унутмайди ! Хаммаси яхшиликка бўлсин !
06.08.2022 00:40
Президент нима деяптию буни килаяетган ишини каранглар, битта илова учун почти 2 млрд сум.,...,
05.08.2022 20:33
Рахмат жуда тўғри таклиф
05.08.2022 19:19
to'g'ri gap
05.08.2022 16:56
Sharmandalar
05.08.2022 16:53
Ахмокгарчилик