Senator va hokimlar hududlarga sayohat qilib, nimani o`zgartira oladi? Oliy Majlis Senati Raisi Tanzila Norboeva Senatda doimiy asosda ishlovchi senatorlarni hududlarga xizmat safariga yubordi. Bu haqida O`zA ma`lum qildi.
Xabarda yozilishicha, har bir viloyatga boradigan senatorlar ro`yxati shakllantirilgan. Ular bir hafta mobaynida boradigan viloyatida odamlar bilan uchrashib, ular bilan muloqot qiladi. Muloqot natijasi va hisoboti qanday ko`rinishda taqdim etilishi, muloqotdan ko`zlangan natija va maqsadlar haqida aniq ma`lumot yo`q. Bu amaldorlarning qishloqqa qilgan ilk «sayohati» emas. Shu vaqtgacha bir nechta tuman, shahar va viloyat hokimlari ham chekka qishloqlarga muloqot qilgani borib, ayrimlari qishloqdagi uylarda tunab qolgan. Misol uchun, Toshkent viloyati hokimi Zoir Mirzaev, Sirdaryo viloyati hokimi (2021 yil yanvar oyi) G`ofurjon Mirzaev, qishloqdagi uylarda tunab qolgan. Andijon viloyati hokimi Shuhrat Abduraxmonov sovuqda gulxan yoqib Asaka tumani aholisi muammolarini eshitgan. Viloyat, tuman hokimlari hududlarda bo`lib muammolarni o`rganib yursada, xalq qabulxonalariga aholidan tushayotgan murojaatlar soni ortsa ortayaptiki, kamaygani yo`q.
Tanzila Norboeva senatorlarni hududlar miqyosida quyidagicha taqsimlagan:
– Senatorlar Boriy Alixanov, Botir Matmuratov – Qoraqalpog`iston Respublikasida;
– Ravshanbek Alimov – Andijon viloyatida;
– Erkin Gadoev – Buxoro viloyatida;
– Risqul Siddiqov – Jizzax viloyatida;
– Qobil Tursunov – Navoiy viloyatida;
– Mahmud Parpiev – Namangan viloyatida;
– Farhod Boqiev – Samarqand viloyatida;
– Anvar To`ychiev – Sirdaryo viloyatida;
– Odiljon Iminov – Surxondaryo viloyatida;
– Malika Qodirxonova – Toshkent viloyatida;
– Manzura Salimova – Farg`ona viloyatida;
– Bahodir Tojiev – Xorazm viloyatida;
– Tolibjon Madumarov – Qashqadaryo viloyatida.
Senatorlar hududlarga borib aholi bilan muloqot qilib qaytgach, qanday amaliy ishlarni bajarib kelganini, qaysi hududning muammolari echilganini so`rab ko`ramiz
УЗ
-middle.jpg)
