Оддийгина тушунтирганда — Давлат амалдори бизнес билан шуғулланмаслиги, номида бирор бир фирма бўлмаслиги Қонун билан белгилаб қўйилди.
Албатта, бу жараённи кўпчилик кутаётган эди. Коррупциянинг олдини олишда бу Қонун нормаси ҳам қайсидир маънода ижобий ҳол. Бироқ шу амалдор қариндоши, яъни турмуш ўртоғи, фарзандлари, куёви, қуда андаси каби яқинлари номига мол-мулкларни ўтказиб қўявериши табиий ҳол эмасми? Коррупция барибир гуллаб яшнайверади-ку.
Янги қонун билан амалдорларни пул ўмаришдан тия оламизми? Амалдорларнинг қариндошлари нега солиқ деклорациясини тўлдирмайди?
Узоқ кутилган "Давлат фуқаролик хизмати тўғрисида"ги Қонун эълон қилинди. У 3 ойдан сўнг кучга киради.
Мазкур Қонун қанчалар кучли? Бу қонун амалдорларни коррупциядан тийилишга чақирадими? Қонунда амалдорлар солиқ деклорациясини тўлдириши назарда тутилган-ку, аммо унинг яқин қариндошларининг ҳам солиқ деклорацияси шаффоф бўлиши назарда тутилмаган. Шунингдек, давлат идораларида амалдорларнинг яқин қариндошлари бир жойда ишлаши мумкин эмаслиги кўрсатилгану, аммо амалдорларнинг яқин қариндошлари рўйхати очиқ маълумотлар порталида келтирилмаган. Қонундаги ушбу камчиликлар уни импотент эканлигидан далолат эмасми?
Ушбу саволлар билан билан rost24.uz мухбири Давлат хизматларини ривожлантириш агентлиги директорининг биринчи ўринбосари Отабек Хасановга мурожаат қилди.
УЗ
