«Боғча» ходимларининг ойлиги қачон кўтарилади?

17.06.2022 13:10

Rost24.uz мухбири энг кам ойлик олаётган соҳа ходимларининг муаммолари юзасидан вазирлик мутасаддиларига савол берди. Мактабгача таълим вазирлиги вакили эса ойликни ошириш учун журналист ва блогерлар ёрдами кераклигини айтмоқда.

Вазирлик мутасаддилари маош камлиги сабабли «боғча опа»ларига таъзим қилишга тайёрлигини билдирди.

«Бизнинг соҳада ишлаётган ҳар бир тарбиячи ходим олдида таъзим қилишга тайёрмиз. Сабаби, ўн ярим соат ишлайдиган тарбиячи тоифаланишига кўра 1 ярим миллиондан 3 миллионгача маош олиши мумкин. Бу ҳам албатта, жудаям кам. Биз ҳам боғча ходимларининг маоши халқ таълими ходимлари ўқитувчиларникига тенглаштиришни хоҳлаймиз», дейди Мактабгача таълим вазирлиги матбуот котиби Мавлуда Асқархўжаева.

Боғча тарбиячилари ва ошпазларининг маоши ўта камлиги масаласи Ахборот ва оммавий коммуникациялар агентлигида Мактабгача таълим вазирлиги томонидан ўтказилган матбуот анжуманида кўтарилди. Вазирлик ходимлари боғча тарбиячиларининг хақиқатдан ҳам маошлари камлигини оғриқли масала эканлигини қайд этишди ҳамда бу муаммони ўнглашда журналист ва блогерлардан ёрдам сўрашди.

«Олий Мажлис Қонунчилик палатаси депутатлари ва Молия вазирлигига маошлар камлиги масаласи ҳақида гапирилган. Бу муаммода бошқа вазирликлар билан ҳам келишишимиз керак. Бу борада агар, журналист ва блогерларимиз бизга ёрдам берса, жуда хурсанд бўлар эдик», дейди Мавлуда Асқархўжаева.

 

Эслатиб ўтамиз, 2021 йилнинг ноябрь ойида Мактабгача таълим вазирлигининг молиявий-иқтисодий ривожланишни режалаштириш бошқармаси бошлиғи ўринбосари Шерзод Пардаев мактабгача таълим тизими ходимлари маошларини ошириш режаси ишлаб чиқилгани ҳақида маълумот берган эди.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
9
Изоҳ қолдириш
Изоҳлар
22.06.2022 13:10
Men ham oliyman 4 yil kontrakt tolab kunduzgida oqiganman,lekin orta guruhda bolganligim sababli 1,5 mln olaman qani ADOLAT
21.06.2022 17:42
Ҳақиқатда ҳам боғча ходимларини ойлик маошлари жуда кам энг аввало меҳнатини ҳалоллаб иш ҳақи олаётган ходимларга минг РАХМАТ. Бугунги таълабга мослаб иш жойимдан ажралиб колмасдан фаолият юритиб ўзим устимда тинмай иш олиб бориб,жажжи болажонларга жон олиб жон бериб мактабга чиқиш жараёнида биринчи синф қўлланмаларини бевосита ўқиб бера оладиган болаларни таёрлашим керак деб фаолият юритишябди. Яна камига булар таёрлаб қўйган болажонларни мактаб ўқитувчилари пуллик курс очиб қайта таёрлаб мактабга қабул қилябди. Менимча бугунги кунда боғчада фаолият юритган ҳар бир бола мактаб қўлланмаларини мукаммал билади. Булар ҳеч қандай курсга муҳтож эмас. Лекин мактаб ўқитувчиларига ажратилган ойлик маош болаларни олаётган билим даражасига мутлақо тўғри келмайди.Боғчадаги билим олиш жараёнини мактабда ҳам давом этганда эди яна қайтиб АЛЛОМАЛАР туғилган бўлар эди. Хулоса қилиб айтмоқчиманки ходимларни ойлик маоши оила эхтиёжига ҳам етмайди.Сизлардан илтимос боғча опаларни иш ҳақига этибор қаратишингизни сўраб қолардим.( Мен боғча йўналишида фаолият юритмайман) лекин бунга бефарк қараб туролмадим.
20.06.2022 21:13
Assalomu alekum shu masalani yanada teparoqqa chqsa xursand bo'lardik
20.06.2022 11:31
Oliy ma'lumotli bula turib 1,5milyon oylik tong soat 7 dan kech soat 17gacha ish. Oliy bulsak oyligimizxam shunga yarasha buladida deb uqidik oyligimizni aytishgaxam uyaladi odam
19.06.2022 09:00
Богча опаларга рахмат бечоралар янги куйлак хам киймей кантрактда 5 йил укиб 1яриммилон ойлик олишяпди нохаклик
19.06.2022 07:34
Бу масала жуда долзарб!!! Чунки улар еш авлоднинг биринчи ота онадан хам (керак булса, хозирги вактдаги айрим ота оналарга) олдинда турадиган тарбиячиси. Бола биринчи булиб уларнинг кулида дунени танийди, онги ривожланади. Укитувчиларга тайер укувчи булиб боради. Чунки, богчага борган бола билан бормаган болани фарки бор. Хаммадан хам бу богча опалар хам олий маьлумотли, улар хам давлатга Контракт тулаб укишган(1200ойлик учун). Бу нима ахвол? Шундан келиб чикмайдими болани нотугри тарбиялаш. Вактики, Ота она хам тарбиялашга кийналади! Айтсак масалалар жуда куп. Мен жамоатчиликдан яна купрок фикр сураб коламан. Буни албатта мутасаддилар куриб чикиш керак. Илтимос силардан БУ КАТТА МАСАЛААА!!!!
19.06.2022 06:05
РАХМАТ Rost24 ЖАМОАСИ, АЙНИКСА ЖУРНАЛИСТ КИЗИМИЗГА. ДОИМ СОГ ОМОН БУЛИНГЛАР. ДМТТЛАРДА 1МЛН ОЙЛИККА КУН КЕЧИРИШАЯПТИ ЖУДА КЎПЧИЛИК.
17.06.2022 16:00
Ассалому алайкум барчангизга жуда хам тугри гапларни ёзишибди масалан узимхам богча ходими булиб ишлайман 0,75 ставфкага 800 ойликга ишлайман лекин хеч качон еткираолмайман юл кирага когозвозлик ишларига бу ёкка гуруппа ремонтга узиз уйлаб куринг качон бизларни тенглар экан
17.06.2022 13:33
Япония тизимдай тизим керак. Бизга Мактаб Олий таьлимга. Билимсизлик шунчалар юкорики тарбиямизнинг аслини социал тармокларда куриб турибмиз. Жиддий эьтибор керак. Тошкулов устоздай собит ватанпарвар жонкуярлар керак. Порахур. Билимсиз. Илмий ишни кучириб оладиган сохта профессор дотцентлар укитувчиларни йукотиш керак. Шу миллат учун эртанги кун учун. Хеч булмаса богча аьло тарбия берадиган маскан булсин. Хамма уйгонсин биродарлар миллат купаяиб боргани билан ахлок одоб булмаса инкирозга юз тутамиз яна 30 йил ичида. Буаник елгончи олиб сотар бузук тарбиясиз асли одам. Хулки манкуртлар юзага келади. Уйгонинг. Халойик. Уйгонинг