Poytaxtimizning Chilonzor tumanidagi Naqqoshlik ko`chasida er tagidagi quvurlardan sizib chiqqan suv behudaga oqib yotibdi.
Faqat bu joyda emas bir necha o`nlab holatlarda ichimlik suv quvurining nosozligi tufayli qanchadan-qancha suv behudaga oqib yotadi.
AOKAda o`tkazilgan matbuot anjumanida mutasadilar aholiga berilayotgan suvning turli sabablarga ko`ra qanchasi yuqotilishi bo`yicha ma`lumot berdi.
Ma`lumotlarga ko`ra, bugun respublikamizda 65 ming kilometr umumiy ichimlik suvi tarmoqlari mavjud. Shundan 30 foizidan ortig`i 60 yil oldin o`rnatilgan quvurlar bo`lib, ayni damda esa ular yaroqsiz ahvolda. Toshkent shahridagi 3700 kilometr ichimlik suvi quvuridan 414 kilometrini almashtirish kerak.
Nosoz tarmoqlardan er ustiga qalqib chiqayotgan suvlarni taxminiy hisoblash mumkindir, ammo er ostiga behuda ketayotgan suvlarni hisoblashning imkoni yo`q.
Bugun respublika bo`yicha aholining ichimlik suvidan qarzdorligi 674,1 milliard so`m, Toshkent shahri aholisining qarzdorligi esa 100 milliard so`mni tashkil etadi. Agar behudaga oqqan suvni hisoblasak Toshkent shahar aholisining qarzdorligidan ham ko`p mablag` bo`lishi hech gap emas.
Matbuot anjumanida mutaxassislar jurnalistlarning boshqa qiziqtirgan savollariga ham javob berishdi.
Ruxsora G`ofurova,
Sirojiddin Xoshimjonov (video)
УЗ
-middle.jpg)