Rossiya hukumati joriy yilning 1 sentyabridan boshlab yog` mahsulotlari xomashyosini, kungaboqar va soya urug`lariga cheklov qo`yamoqda. Bu degani kelajakda yana yog`ning narxi oshishi mumkinligini anglatadi.
Ma`lumki, O`zbekistonda iste`moldagi o`simlik yog`i narxi keskin ko`tarilib ketgani uchun yog` narxi arzonlashuvi yo`lida katta qadam tashlandi. O`simlik yog`i importiga QQS bekor qilindi.
O`zbekiston Respublikasi Prezidenti «Aholini ayrim turdagi oziq-ovqat mahsulotlari bilan ta`minlashga doir choralar to`g`risida"gi hujjatni imzoladi. Mazkur hujjatga ko`ra: 2021 yil 1 maydan 31 dekabrga qadar tayyor o`simlik yog`i, kungaboqar va zig`ir urug`i hamda soya doni importi, shuningdek, o`simlik yog`i ishlab chiqarish va sotish qo`shilgan qiymat solig`idan ozod qilinmoqda;
kungaboqar va paxta urug`lari, kungaboqar yog`i va paxta yog`i mahsulotlariga nisbatan eksport boji joriy etilmoqda.
Shu bilan ayni damda bozorlarimizda o`simlik va paxta yog`i narxi barqarorlashmoqda.
Biroq, mutaxassis kuzatuvchilar mamlakatimizga import qilinayotgan, ya`ni Rossiya hukumati joriy yilning 1 sentyabridan boshlab yog` mahsulotlari xomashyosini, kungaboqar va soya urug`lariga cheklov qo`yayotganini aytmoqda. Bu degani kelajakda yana O`zbekistonda yog`ning narxi oshishi mumkinligini anglatadi.
Xo`sh, bu mahsulotning narxini barqaror ushlab turish uchun qo`shimcha qiymat solig`idan ozod qilishdan tashqari yana nima qanday ishlarni amalga oshirish kerak?
Iste`molchilar huquqlarini himoya qilish federasiyasi raisi o`rinbosari Inomjon Tog`aev bu borada shunday deydi:
“Bugungi kunda bozorlarimizda tadbirkorlar tomonidan avval olib kelingan yog` mahsulotlarini sotmoqda, chunki 1 may holatidan keyin olib kelingan mahsulotlar hali bozorga kirib kelmagan.
Bugungi kunda yog` narxini doimo barqaror ushlab turish, hozir biz qo`shimcha qiymat solig`idan ozod qilganimiz bilan bu uzoqqa cho`zilmaydi. Biz mahalliy ishlab chiqaruvchilarni tezroq xom ashyo bilan ta`minlash choralarini ko`rishimiz kerak”.
Ma`lumotlarga ko`ra, o`zimizning mahalliy ishlab chiqaruvchilar ko`pi bilan 300 ming tonna o`simlik yog`i ishlab chiqaradi, aholining talabi esa 400 ming tonna. Bundan tashqari, tarkibiga o`simlik yog`i solinadigan oziq-ovqat mahsulotlarini ishlab chiqaruvchilar, oshxona va restoranlarning ham talabi bor — taxminan 250 ming tonna.
Mahalliy ishlab chiqaruvchilar jami 650-700 ming tonnalik talabning, eng ko`pi bilan, xomashyo etarli bo`lsa, 300 ming tonnasini qoplay oladi, xolos. Shu bois muommoning asl echimi ham bugun mahaliy ishlab chiqaruvchilarni qo`llab-quvvatlash va ularga etarli shart sharoitlar etkazib berish bilan bevosita bog`liq.
УЗ
-middle.jpg)