2026 yil 16 oktyabr kuni Bektemir tumanidagi «Abay» mahallasida tadbirkorlar va fuqarolar bilan uchrashuv bo`lib o`tdi.
Unda «Biznesni rivojlantirish banki» ATB boshqaruv raisining birinchi o`rinbosari Sh. Yusupov, Toshkent shahar prokurori vazifasini bajaruvchi A. Urmanov, Bektemir tumani hokimi N. Abduraxmanov va boshqa mas`ullar ishtirok etdi.
Uchrashuv davomida tadbirkorlar va fuqarolarning muammolari, taklif hamda tashabbuslari o`rganildi. Jumladan, tadbirkorlik faoliyatini kengaytirish, imtiyozli kreditlardan foydalanish, yangi loyihalarni amalga oshirish, aholi bandligini ta`minlash va daromad manbalarini ko`paytirish masalalari ko`tarildi.
Xususan, «RWS OPTIMUM» MChJ rahbari qum-shag`al aralashmasini xomashyo sifatida olish bilan bog`liq muammo yuzasidan murojaat qildi.
«CHILON LUBRICANTS» MChJ rahbari esa tog`-kon sanoatida portlovchi moddalar ishlab chiqarish faoliyatini tartibga solish bo`yicha amaldagi qonunchilikka tegishli nizom kiritishni taklif etdi.
Kelib tushgan murojaat va takliflar mas`ullar tomonidan o`rganilib, ularni hal etish bo`yicha tegishli chora-tadbirlar belgilandi.
УЗ
