Qirg`iziston Milliy xavfsizlik davlat qo`mitasi raisi Kamchibek Tashiev 24-25 mart kunlari Toshkentda bo`lib o`tgan O`zbekiston va Qirg`iziston hukumat delegasiyalarining uchrashuvlari natijalariga bag`ishlangan matbuot-anjumani o`tkazdi.
Matbuot-anjumanida ma`lum qilinishicha, O`zbekiston va Qirg`iziston chegaradagi bahsli uchastkalar masalasini to`liq hal qilgan.
Qirg`iziston milliy xavfsizligi davlat qo`mitasi rahbari Qamchibek Tashiev Toshkentda tomonlar qaysi shartlarga ko`ra o`zaro bitimga kelganliklari haqida batafsil to`xtalgan.
Eslatib o`tamiz, Toshkentda 25-26 mart kunlari O`zbekiston va Qirg`iziston o`rtasida ikki tomonlama hamkorlik bo`yicha hukumatlararo qo`shma komissiyaning navbatdagi yig`ilishi bo`lib o`tgan va Qirg`iziston bosh vaziri Ulug`bek Maripov 25 mart kuni Toshkentga kelgan edi.
Qirg`iziston milliy xavfsizlik davlat qo`mitasi boshlig`ining so`zlariga ko`ra, Kampirobod suv omborining to`g`oni O`zbekiston ixtiyoriga o`tgan, lekin suv omboridan birgalikda foydalaniladi.
O`zbekiston tomoni tomonidan Qirg`iziston fuqarolarining suvga va undan foydalanishga bepul va to`siqsiz kirishini ta`minlaydi - bu sug`orish, baliq ovlash va boshqalar.
O`zbekiston tomoni suv ombori havzasi atrofida muhandislik inshootlarini o`rnatmaslikni o`z zimmasiga oladi.
Chashma bulog`idan ham birgalikda foydalanish bo`yicha hukumatlararo kelishuv tayyorlanadi. Bundan tashqari, qator uchastkalar bo`yicha er almashuvlari amalga oshiriladi. Demarkasiya va delimitasiya bo`yicha hujjatlar parlamentlar tomonidan ratifikasiya qilinishi kerak.
Qaysi erlar Qirg`iziston ixtiyoriga o`tdi?
Milliy xavfsizlik davlat qo`mitasi rahbari so`zlariga ko`ra, Qirg`izistonga 8 ming gektar er ajratilgan. Endilikda ikki davlat o`rtasida bahsli hududlar bo`lmaydi, deya ishontirgan Tashiev.
Qirg`iziston MXDQ rahbari Qirg`iziston ixtiyoriga o`tgan uchastkalarni sanab o`tgan.
«Ko`k-Serek uchastkasidagi 105 gektar er, Ola-Buqa tumani Boyoston hududidagi 212 gektar er bizning tomonga topshirildi.
Bundan tashqari biz Qora-Suv tumanidagi Oq-tosh uchastkasida 100 gektar joyni oldik. Qirg`izistonga Unqur-Tog`ning 35 gektari topshirildi.
Aniqrog`i, Unqur-Tog` to`laligicha bizga o`tmoqda. Qora-Beles uchastkasining 25 gektari bizning nomimizga o`tkazildi. Bizning nomimizga o`tkazildi deganimda, shuni nazarda tutumanki, Qora-Beles ilgari O`zbekistonga berilgan edi, hozir esa biz uni qaytarib olganimizni nazarda tutmoqda.
Bularning barchasi ug`oriladigan, qishloq xo`jaligi ahamiyatiga ega erlar. Shu tarzda bu uchastkalarning barchasi Orto-Toqay suv ombori evaziga bizni nomimizga o`tdi», — dedi Tashiev.
Davlat qo`mitasi raisi O`rta To`qay suv ombori Qirg`iziston hududida qolayotganini qayd etib o`tgan.
Toshievning aytishicha, qariyb 8 ming gektar er Qirg`izistonga o`tmoqda.
«Jalolobod va Namangan viloyatlari o`rtasida Gavasoy uchastkasi bor. Bu erda 5-6ta qirg`iz qishloqlari va ularning yaylovlari joy olgan. Bu erda muntazam ravishda qurolli mojarolar yuz berar edi. Endilikda bu uchastka Qirg`iziston tomoniga o`tmoqda, mojarolarga barham berildi.
O`zbekistonga Shahri-soy uchastkasidan 50 gektar joy ajratildi. Lekin buning evaziga biz O`zgan tumanidan 50 gektar er olyapmiz», – deya qayd etgan Tashiev.
O`zbekiston ixtiyoriga hosilsiz erlar o`tyapti, deb qo`shimcha qilgan u.
Manba: xabar.uz
УЗ
