O`zbek mediasida kim kuchliroq? Jurnalistlarmi yoki blogerlar?

Rost24 ushbu savol bilan jamoatchilikka yuzlandi.

Javoblar:

- Mediada hozir tenglik. 
- Blogerlarda imkoniyat ko`p, ular ko`p narsani yozishadi, jurnalistlarda taqiq ko`p. Ular senzuradan qo`rqishadi. 
- Blogerlar deb o`ylayman, chunki ular sifatliroq video chiqarishadi. 
- Jurnalistlar, chunki ular o`qimishli deb bilaman. 
- Blogerlarni xalq ko`proq taniydi, jurnalistlarni hech kim tanimaydi. 
- Albatta, jurnalistlar. Chunki, ularning ongi ancha kuchli, blogerlar yaqinda chiqqan. 
- Menimcha jurnalistlar, chunki blogerlar bilmaydigan ko`p xabarni jurnalistlar bilishadi. Taqdim etishlari ham boshqacha va aniq. 
- O`ylashimcha blogerlar kuchli, negaki, O`zbekistoning teng yarim aholisi yoki undan ham ko`prog`i blogerlarni kuzatadi. Ijtimoiy tarmoqlarda ular faolroq, media xodimlariga qaraganda. 
- Ayni paytda hukumatning o`zi ustunlik qilyapti. Chunki blogerlarni sotib olib qo`yishgan, shu kungacha. 2016, 2018  yillardagi blogasfera yo`q. Sotib olishdi, sotib olishmaganini qo`rqitishdi. Jurnalistlar esa avvaldan qo`rqitilgan. Erkinlik nimaligini bilmasdan turib, yana o`sha holiga qaytarib qo`yishdi. 
- Jurnalistlar, ommaga ko`proq ma`lumot berishadi. 
- Massa jihatidan oladigan bo`lsak, blogerlarda odam ko`proq. 
- Jurnalistlar blogerlarga qaraganda tartibliroq deb bilaman, chunki ular aniq bir reja asosida ishlaydi. Blogerlar ma`lum bir sohaga ixtisoslashgan va o`sha sohani ko`tarib chiqadi. 
- Jurnalistlardan ko`ra blogerlarni ancha kuchliroq deb o`ylayman. Masalan, jurnalistlar televizorda, blogerlar esa ijtimoiy tarmoqlarda faolroq. Ko`pchilik ijtimoiy tarmoqlarni kuzatadi. 
- Haqiqatni hamma gapirishi mumkin. Faqat blogerlar haqiqatni gapiradi degan gap nisbiy tushuncha. Jurnalistlar orasida ham haqiqatni gapiradiganlari bor. 
- Hozirgi vaqtda blogerlar kuchayib ketmoqda.
- O`zbek media olamida blogerlar kuchliroq bo`lsa kerak. Chunki, ular katta auditoriyaga ega va ular tarqatayotgan ma`lumotlar tezroq etib boradi. 

Blogerlar ko`proq haqiqatni gapiradi, degan fikrga qanday qaraysiz? 

-To`g`ri, chunki ularga ahamiyati yo`q. Jurnalistlarni bilmadim. 
- Ikkalasi ham bir xil, men uchun. 
- Bu fikrga qisman qo`shilaman, negaki, jurnalistlarga ichki senzura bo`lishi mumkin. Blogerlar esa, nisbatan erkinroq. 
- Ha, to`g`ri, blogerlarga auditoriya kerak, tanilish va mashhurlik kerak, shuning uchun ular xalqqa manzur bo`ladigan mavzularni olib chiqishadi. Jurnalistlarda esa, bu cheklangan. Jurnalistlarda hali ham taqiq va senzura bor. 
- Nisbatan shunaqa. Buning ikkita jihati bor. Birinchisi, ular bu sohada o`qimagan, bilmaydi qaerda nimani gapirishni, shuning uchun xohlaganini gapiraveradi. Ikkinchisi, ular hali tazyiq, taqiq ko`rmagan. Shu uchun gapiraveradi. Bir marta, ikki marta gapiradi, keyin ularni ham joyiga solib qo`yishadi. 
- Bu blogerlarga bog`liq. Blogerlar bor, faqat shov-shuv uchun xabar tarqatishadi. Blogerlar bor, siyosiy, ijtimoiy muammolarni ko`tarib chiqishadi.