O`zbekistonda vazirlar Konstitusiyada belgilab qo`yilgan vazifasiga ko`ra, har yili Senat oldida hisobot beradi. Lekin jamoatchilik vakillari va jurnalistlar oldida yiliga bir marta bo`lsa ham chiqish qilmaydi. Chunki jurnalistlar ularga ko`p savol berib yuborishi mumkinmi, deputatlar esa yo`q?
Joriy 2023 yil ham o`z nihoyasiga etish arafasida. Ijro etuvchi hokimiyat hisoblanmish vazirliklar va ularning rahbarlari 10 oy davomida qilingan ishlar yuzasidan jamoatchilikka qachon va qanday hisobot berdi?
Bu yil 22 vazirning faqat 3 tasi: Adliya, Energetika hamda Yoshlar siyosati va sport vazirliklari rahbarlari jamoatchilik vakillari va jurnalistlar bilan matbuot anjumani tashkil etdi, xolos.
Sog`liqni saqlash vazirligi rahbarining OAV vakillari bilan “chuqurlashmaslik” haqida yopiq suhbat o`tkazganini hisobga olmaganda va Suv xo`jaligi vazirligining "Qo`shtepa" kanali bo`yicha jamoatchilikka hisobot berishga majbur bo`lganini inobatga olmaganda, qolgan 17 ta vazirlik rahbarlari jamoatchilik oldida hisob bermadi.
Umuman olganda, vazirlarning ommaviy axborot vositalari bilan muloqot qilishi 2016 yilga kelibgina boshlangan.
O`zbekiston hukumat a`zolari orasida birinchilardan Aziz Abduhakimov OAV bilan muloqot o`rnatgan vazir hisoblanadi.
Shundan so`ng, yildan yilga vazirlar ishtirokidagi matbuot anjumani va brifinglar ko`paya boshlagandi. Lekin 2023 yilda vazirlar ishtirokida tashkil etilgan uchrashuv va muloqotlar soniga qarab, jamoatchilikka nisbatan “yopiqlik siyosati” yana qaytadimi, degan xavotirlar uyg`onmoqda.
УЗ
-middle.jpg)
