Darveshona yoshayotgan 90-yillarning mashhur xonandasi (+video)

14.06.2021 16:26

Inson hech narsasiz ham hayotdan mamnun yashashi mumkinmi?

Bir vaqtlari qo`shiqlari bilan odamlar qalbini zabt etgan katta iste`dod sohibi, bugun darveshona kun kechirmoqda.

Bir vaqtlar mashhur bo`lgan qo`shiqchi Akbarali Ochilov bugun ana shunday shunchaki xayotligidan baxtiyor yashayotgan odamlardan. 

“Hayot go`zal unda qish, bahor yoz, kuz bor. Odamlar o`zi hayotni murakkablashtirib yuradi”, – deydi Akbarali Ochilov. 

Akbarali Ochilov o`tgan asrning 90-yillarida “Kelasanmi”, “Qizg`onaman”, “Xazonrezgi” kabi qo`shiqlari bilan odamlar og`ziga tushgan. Bugun esa u yolg`iz. Oilasidan voz kechgan. Nevaralarini ko`rmagan, ular qanchaligini ham bilmaydi va buning uchun achinmaydi ham.

Biz Akbarali Ochilovni qo`shiqlari, xotiralari bilan yashayotgan oddiygina kulbanoma uyidan topdik. 

Yolg`izlik, ichki tug`yon va xotiralar kurashi bilan yashayotgan, darveshlikni tanlagan bir inson bo`lib ko`rindi bizga.

U o`tgan yillarimga achinmayman, deydi. “Hamma bir yo`lga, maqsadga turli yo`llardan boradi. Meni tanlagan yo`lim shu bo`ldi”, deydi katta va tug`ma iste`dod sohibi Akbarali Ochilov. 

Akbarali Ochilovni bugun shogirdlari, muxlislari, uni shunchaki tanigan qo`shiq ixlosmandlari yo`qlab turadi. Qo`shiqlari pul topish uchun emas, yurak amri bilan yozilganini aytadi u. Akbarali aka bugun hayotdan hech narsani kutmaydi, birovdan nolimaydi. 

U o`zi aytganidek, hayot yo`lidan birovga halaqit bermay o`tib borayotgan bir yo`lovchi xolos.

Quyida qalb odami Akbarali Ochilov haqida videoreportaj:

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
4
Изоҳ қолдириш
Изоҳлар
14.06.2021 18:23
Rost24 jamoasi qoyil, omad tilayman.