Бош прокурорни коррупцияда айблаган Бухоро шаҳар прокурори ўз хоҳишига кўра, лавозимидан озод қилинди

06.02.2021 16:02

Бухоро шаҳар прокурори муддатидан олдин нафақага чиқарилгани ростми?

Республика идоралараро комиссияси томонидан олиб борилган ўрганишдан кейин ўз лавозимига қайтган Бухоро шаҳар прокурори Жасур Фозиловнинг муддатидан олдин нафақага чиқарилгани айтилмоқда.

Бош прокуратура Матбуот хизматининг Rost24.uz ахборот сайтига маълум қилишича, Бухоро шаҳар прокурори Жасур Фозилов ўз хоҳишига кўра лавозимидан озод қилинган.

Эслатиб ўтамиз, аввалроқ унга нисбатан ҳайфсан эълон қилинган эди.

Жасур Фозиловга нисбатан хизмат текшируви якунлангани муносабати билан Бош прокурорнинг буйруғига асосан шаҳар прокурори 2020 йил 19 декабрдан хизмат вазифасини бажаришга киришганди.

2020 йилнинг 11 декабрида Жасур Фозилов Шавкат Мирзиёев ва Президент Администрацияси раҳбарига видеомурожаат йўллаб, хизмат текшируви аслида бош прокурорга алоқадор бўлган «Мustahkam Qurilish Development» қурилиш компанияси вакилини сўроқ қилишга чақириши ортидан бошланганини айтган эди.

Шундан сўнг Бош прокуратура муносабат билдириб, ҳолат ва прокурорнинг важлари ўрганиб чиқилиши ҳамда хабар берилишини қайд этганди. Мазкур ҳолатни ўрганиш мақсадида Республика идоралараро комиссияси тузилиб, хизмат текшируви Президент Администрацияси бошчилигида ўтказилиши маълум қилинган эди.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
9
Изоҳ қолдириш
Изоҳлар
07.02.2021 10:21
Маладэц
07.02.2021 00:42
Мажбурлаб бушатишгандурда ишга кайтиш учун канча харакат килиб энди ташаб кетадими .