2026 йил 14 октябрь куни Тошкент шаҳрининг Бектемир туманида «Бизнесни ривожлантириш банки» АТБнинг янги банк хизматлари маркази ўз фаолиятини бошлади.
Марказ Тошкент шаҳри, Бектемир тумани, Зилола МФЙ, Ҳусайн Бойқаро кўчаси, 28а-уйда жойлашган.
Янги марказда жисмоний ва юридик шахсларга замонавий банк хизматларининг кенг турлари тақдим этилади. Жумладан, мижозлар омонат ва кредит маҳсулотларини расмийлаштириш, тўловлар ва пул ўтказмаларини амалга ошириш, банк ҳисобварақларини очиш ҳамда уларга хизмат кўрсатиш имкониятига эга бўлади.
Шунингдек, тадбиркорлик субъектлари бизнес лойиҳаларини молиялаштириш, фаолиятини кенгайтириш ва янги лойиҳаларни амалга ошириш учун зарур молиявий хизматлардан фойдаланишлари мумкин.
Марказ фаолияти мижозларнинг молиявий эҳтиёжларини бир жойнинг ўзида ҳал этиш, банк хизматларидан фойдаланиш жараёнларини соддалаштириш ва хизмат кўрсатиш сифатини оширишга қаратилган.
Янги хизматлар марказининг очилиши, айниқса, Бектемир туманида фаолият юритаётган тадбиркорлар учун муҳим аҳамиятга эга. Улар марказ орқали бизнес лойиҳаларини молиялаштириш, ишлаб чиқариш ва хизмат кўрсатиш фаолиятини кенгайтириш, шунингдек, янги ташаббусларини рўёбга чиқариш учун банк хизматларидан фойдаланишлари мумкин.
Марказ аҳолининг банк хизматларидан фойдаланиш имкониятларини кенгайтириш, молиявий хизматларни аҳолига яқинлаштириш ва мижозлар учун қулай шароитлар яратишга ҳам хизмат қилади.
«Бизнесни ривожлантириш банки» АТБ ҳудудларда банк хизматлари инфратузилмасини ривожлантириш, мижозларга хизмат кўрсатиш сифатини ошириш ва тадбиркорлик субъектларини молиявий қўллаб-қувватлашни устувор йўналишлардан бири сифатида белгилаган.
Бектемир туманида янги банк хизматлари марказининг ишга туширилиши ҳудуднинг иқтисодий фаоллигини ошириш, тадбиркорлик ташаббусларини қўллаб-қувватлаш ва аҳоли учун банк хизматларидан фойдаланишда қўшимча қулайликлар яратишга қаратилган.
УЗ
