Ҳафтанинг коррупционер амалдорлари
Rost24.uz сайти бир ҳафта давомида коррупция билан қўлга тушган, шу ҳафта оммага ошкор қилинган мансабдорларнинг рўйхатини тўплади. Улар орасида ҳоким, ҳоким ўринбосари, прокурор ёрдамчиси, адлия ходимлари ҳам бор.
ҲОКИМ ЎРИНБОСАРИ
Ўтган ҳафтанинг кундалик хабари Урганч туманидан бошланади. Туман ҳокими ўринбосари 43 минг доллар пора билан ушланган «Чорванасл» марказининг Урганч тумани етакчи мутахассиси Т.М. фуқаро Н.нинг фермер хўжалигига тегишли 50 гектар ер майдонини ҳокимлик захирасига қайтариб олиб, кейинчалик унинг номига янги фермер хўжалиги ташкил этиб, ушбу ер майдонини қайта расмийлаштириб бериш эвазига 80 минг доллар талаб қилиб, шундан 60 минг долларни олган вақтида ашёвий далиллар билан ушланган.
ПРОКУРОР ЁРДАМЧИСИ
Пискент туман прокурори ёрдамчиси 1,5 минг доллар пора билан қўлга олинган. Пискент тумани прокурорининг ёрдамчиси 1 ноябрь куни судда кўрилаётган жиноят иши бўйича судя орқали судланувчига енгил жазо тайинланишини ваъда қилиб, эвазига фирибгарлик йўли 1 500 АҚШ долларини олган вақтида ушланган.
АДЛИЯ ХОДИМИ
Тошкент вилоятида қайд этилган ҳолатда Олмалиқ шаҳар адлия бўлими ходими маҳаллий фуқарони Олмалиқ кон металлургия комбинатига ишга киришида ёрдам бериш эвазига 4 минг доллар олган вақтида ушланди. Шунингдек, ушбу ноқонуний ишга алоқадор бўлган Олмалиқ шаҳридаги мактабгача таълим ташкилоти мудираси ҳам қўлга олинган. Кейинчалик, адлия вазирлиги ходимнинг аввал ишдан бўшатилганини айтиб, адлия ходимлари порадан тоза эканини айтиб чиқди.
ҲОКИМ
Тахиатош тумани ҳокими И.Маткаримов фермер хўжалиги раҳбаридан фирибгарлик йўли билан 100 млн. сўм пул олгани ҳолати бўйича жиноят иши қўзғатилиб, қамоққа олинган. Жиноят иши бўйича тергов ҳаракатлари Қорақалпоғистон Республикаси прокуратураси томонидан олиб борилмоқда.
Rost24.uz сайти коррупция, пора ҳолатлари билан қўлга тушган мансабдорларни жазолангани ва жазо муддати тўлиқ ўталгани ёки муддатдан аввал озодликка чиқарилгани бўйича ҳам маълумотлар бериб боради.
Бизни кузатишда давом этинг.
УЗ
-middle.jpg)