Rossiyadagi millionlab o`zbekistonlik migrantlarchi?
Tashqi mehnat migrasiyasi agentligi matbuot xizmatining ma`lum qilishicha, bugungi kunda agentlik tomonidan Ukrainaga mehnat shartnomasini tuzish uchun ketganlar yo`q.
Ammo bizdagi ma`lumotlarga qaraganda, xususiy bandlik agentliklari tomonidan 2020 yilda 8 nafar, 2021 yilda 5 nafar fuqarolarimiz tashkillashtirilgan holda ishlash uchun jo`natilgan. Bu degani u davlatda fuqarolarimiz yo`q degani emas. Individual tarzda ketganlar ham bor.
Matbuot kotibi Ortiqxo`ja Norovning aytishicha, bugungi kunda agentlikning Ukrainada maxsus vakolatxonasi yo`q.
“Biz asosan O`zbekiston fuqarolari ko`pchilikni tashkil etuvchi mamlakatlarda vakolatxona ochishni rejalashtirganmiz. Vakolatxona yo`q degani o`sha erda yurgan fuqarolarimizga yordam ko`rsatilmaydi degani emas. Agar bizga murojaat qilishsa, biz albatta, huquqiy, moddiy yordam ko`rsatishga tayyormiz", dedi O.Norov
Shuningdek, matbuot kotibi Rossiyadagi migrantlar masalasiga ham aniqlik kiritdi. Uning aytishicha, ularga ham huquqiy, moddiy yordam beriladi, sog`ligini yo`qotgan, mehnatga layoqatsiz deb topilgan alohida holatlarda esa vatanga qaytarish choralari ko`riladi.
УЗ
