Shavkat Mirziyoev ortidan ergashayotgan Markaziy Osiyo prezidentlari

"Yangi Qozog`istonni birga quramiz" deya aytib o`tdi kechagi nutqida Qozog`iston prezidenti.

Qasim-Jomart To`qaev bugun parlamentda nutq so`zlab, jamiyat uchun yangi ijtimoiy shartnoma kerakligini qayd etdi.

To`qaev o`z nutqida yana bir qancha fikrlarni aytib o`tdi. Ularning eng asosiylarini keltirib o`tamiz:

• Elboshi sabab mamlakatda xalqaro mezonlarda hisoblaganda ham boylar ko`paydi, ular ijtimoiy mas`uliyatli bo`lish va qozoq xalqi haqini qaytaradigan payt keldi;
• Xitoy bilan chegaradagi bojxona va import masalasi tartibga solinadi, milliardlab dollarlik mahsulotlar qora yo`llar bilan mamlakatga kirib kelmoqda;
• Armiya kuchaytiriladi, harbiy-texnik jihatdan modernizasiya qilinadi, ta`limga e`tibor kuchayadi, byurokratiyaga qarshi choralar ko`riladi, xalq bilan muloqot tubdan yangilanadi...

Prezidentning ushbu fikrlarini o`qib, "Yangi Qozog`iston" yaratilmoqchi ekanligini ochiq his qilish mumkin.

Eslatib o`tamiz, “Yangi” so`zi bilan Qirg`izistonning "O`sh sadosi" gazetasida "Yangi Qirg`iziston" nomi ishlatilgan edi.