Markaziy Osiyo davlatlariga yuboriladigan pul o`tkazmalari yil boshida 28 foizga pasayishi prognoz qilingan edi. Ammo yil oxirida bu pasayish 6 foizni tashkil etdi.
Shu yilning aprel oyida, koronavirus pandemiyasi butun dunyo bo`ylab ayni avjiga chiqqan bir paytda Jahon banki mehnat muhojirlari yuboradigan pul o`tkazmalari hajmining keskin kamayib ketishini prognoz qilgan edi. COVID-19 pandemiyasi va unga qarshi joriy qilingan qator cheklovlar hamda kutilgan global iqtisodiy resessiya buning asosiy sabablari sifatida ko`rsatilgandi. Xususan Markaziy Osiyo davlatlariga yuboriladigan pul o`tkazmalari hajmining deyarli 28 foizga pasayishi prognoz qilingan edi.
O`zbekistonga yuboriladigan pul o`tkazmalari hajmida ushbu pessimistik prognozlarning amalga oshmaganligi sentyabr oyida ayon bo`la boshladi. Markaziy bankning sentyabrda e`lon qilgan ma`lumotlari 2020 yilning I-yarmida jismoniy shaxslarning O`zbekistonga yuborgan pul o`tkazmalari hajmi o`tgan yilning mos davriga nisbatan 6 foizga kamayganini ko`rsatdi, deyiladi UzAnalytics bergan xabarda.
Markaziy bankning kuni-kecha e`lon qilgan hisobotida keltirilgan ma`lumotlarga ko`ra, joriy yilning 9 oyida jismoniy shaxslarning O`zbekistonga yuborgan pul o`tkazmalari hajmi o`tgan yilning mos davriga nisbatan atigi 4 foizga pasaygan.
2017-2020 yillarning 9 oyida jismoniy shaxslarning transchegaraviy pul o`tkazmalari dinamikasi va tarkibiy o`zgarishlar qisqacha tahlilini quyidagi infografikalarda kuzating:
УЗ
-middle.jpg)