Jahongir Ortiqxo`jaev “Tashkent Sity”ga kirish pullik qilingani bo`yicha munosabatini bildirdi

18.12.2020 10:33

Aholining "Tashkent City" majmuasiga kirishi pullik bo`ldi. Ya`ni, kattalar uchun chipta narxi — 10 ming so`m, bolalar uchun — 5 ming so`m, engil avtomobilda kirish — 20 ming so`m etib belgilandi.

Poytaxtdagi eng muhtasham bog`, deya tariflanayotgan hududni tomosha qilish uchun belgilangan bu me`yorlar ijtimoiy tarmoqlarda keskin norozilik uyg`otmoqda. Toshkent shahar hokimi Jahongir Ortiqxo`jaev Rost24.uz muxbiriga ushbu holat yuzasidan munosabat bildirdi.  

– “Tashkent Sity”ga kirishni pullik qilishga hokim sifatida qanday qaraysiz?

– Parklarni saqlab turishning boshqacha chorasi yo`q. Misol uchun, shuncha daraxtlar ekilgan, shuncha energiya ketadi, boshqachasiga bilmayman, qanday bo`ladi.

– “Tashkent Sity”ning qurilishga xarajat ham ko`p ketganmi?

– Ancha xarajat ketgan. Buni saqlab turishning o`zi qiyin masala.

– Bularni saqlab turish uchun bir oyda qancha xarajat ketadi?

– 900 million so`m ketadi. Bir kunda har bitta fontanni otilishiga 1 million ketadi.

– Buning uchun byudjetdan pul ajratilmaydimi?

– Byudjetdan pul ajratilmaydi. Chunki soliq to`lovchilar kirsa-kirmasa pul to`lamaydi-ku, to`g`rimi? Kirgani to`lasa, shunda adolatli bo`lsa kerak. Ya`ni byudjet soliq to`lovchilarning hisobiga shakllanadi. Odamlarda haqli ravishda savol tug`iladi: “Umuman “Tashkent Sity”ga kirmasam nima uchun men to`layotgan soliqdan pul to`layapsilar”, deyishi mumkin. Shuning uchun o`zini-o`zini boqqani aktual, menimcha.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
17
Изоҳ қолдириш
Изоҳлар
19.12.2020 08:37
Kuttinga tiq citiyini
18.12.2020 23:18
Офарин. Тўғри қарор. Шу қарорни қабул қилганларга қўшиламан.