Antikorrupsiya agentligi: Toshkent viloyati hokimligida 1 yil ichida 111 ta korrupsion xatar aniqlandi

Korrupsiyaga qarshi kurashish agentligi tomonidan Toshkent viloyati hokimligi faoliyatida 1 yil ichida 111 ta korrupsion xatarlar aniqlangan. 

Mazkur ma`lumot Korrupsiyaga qarshi kurash agentligi hisobotida keltirilmoqda.

Aniqlangan 111 ta korrupsion xatarning 96 tasi (86 foiz) yuqori, 14 tasi (13 foiz) o`rta va 1 tasi past darajadagi korrupsion xatarlardir.

Toshkent viloyatidagi korrupsion xatarlar quyida ko`rsatilgan tizimlarda qayd etilgan:

- qurilish sohasida davlat buyurtmasini tanlov asosida joylashtirish va uning bajarilishini nazorat qilish funksiyasi;

- hududiy dasturlarni ishlab chiqish va amalga oshirish;

- erlarni tanlash, ajratish va xususiylashtirish;

- investisiya loyihalarini muvofiqlashtirish va majburiyatlarning bajarilishini nazorat qilish;

- davlat mulkini xususiylashtirish, eksport dasturlarini ishlab chiqish va amalga oshirish;

- kadrlar zaxirasini shakllantirish, kadrlarni tanlash va ishga joylashtirish;

Eslatib o`tamiz: Toshkent viloyati hokimligida korrupsion xatarlar aniqlangan vaqt Davron Xidoyatov hamda Rustam Xolmatovlar hokimlik qilgan davrlarga to`g`ri keladi.