Bugun Milliy matbuot markazida O`zbekiston Ekologik partiyasining rahbarlari ishtirokida matbuot anjumani bo`ldi.
Unda O`zbekiston Ekologik partiyasining ijroiya qo`mitasi raisi Narzullo Oblomurodov, partiyaning bo`lim boshlig`i Islombek G`ulomov va O`zbekiston turizm va sport vazirligi mas`ul xodimi Umed Rajabov savollarga javob berish uchun ishtirok etdi.
“Ekologik partiya tomonidan mustaqilligimizning 30 yilligiga bag`ishlab o`tkazilayotgan “Mo`ynoqqa madad” ekologik xayriya velomarafon” matbuot anjumaniga qo`yilgan asosiy mavzu edi. Ammo jurnalistlar tomonidan berilgan asosiy savollar “Qizil kitob”ga kiritilgan qo`ng`ir ayig`ining otib o`ldirilishi bo`ldi.
Matbuot anjumanida ishtirok etgan mas`ullar bugungi kunda ijtimoiy tarmoqlarda trendga chiqqan mazkur mavzu bo`yicha berilgan savollarga javob berishda anchagina ter to`kishdi.
Ularning aylantirib-aylantirib bergan javoblaridan shu narsani anglash mumkinki, noyob jonivorni otishga ruxsat bergan mutasaddilarni jazolashga mavjud qonunlarimiz to`sqinlik qilar ekan.
Shu bois matbuot anjumanida ishtirok etgan Ekologik partiya vakillari tomonidan bu boradagi qonunlarimiz qayta ko`rib chiqilayotganligi aytildi.
УЗ
-middle.jpg)