Assalomu alaykum Rost24.uz kanali a`zolari, hurmatli jurnalistlar!
Men jurnalist va blogerlarni hurmat qilaman. Sizlar xalqni o`ylaysiz, xaqni so`ylaysiz. Ko`p blogerlarga murojaat qildim hozircha javob yo`q.
Men Farg`ona viloyatida yashayman. Ollohga shukur besh qizim, bir o`g`lim bor. Prezidentimizning tashabbusi bilan tashkil etilgan OTMga kirish uchun xotin-qizlarga qo`shimcha 4 foizli tavsiyanoma katta qizimga berilgan edi. Qizimning tanlagan birinchi yo`nalishi Andijon davlat universitetidagi Xorijiy til va adabiyoti edi.
U erda tavsiyanoma amal qilish bali 135,2 bo`lgan. Qizim esa o`z kuchi bilan 151,2 ball to`plagan. Ammo talabalikka tavsiya qilinmagan.
Tumanimizdagilar Farg`onada yashovchi xotin-qizlarga berilgan tavsiyanoma Andijonga amal qilmaydi deb aytishdi. DTMdan (71-234-97-91) qo`ng`iroq qilib ular ham Andijonga tavsiyanoma amal qilmasligini aytishdi.
O`zbekiston Respublikasi Prezidentiga Ishonch telefoni orqali yo`llangan 489774/20-sonli murojaatim yuzasidan direktor o`rinbosari S.Radjabov yo`llagan javob xatida esa Farg`onaga tavsiyanoma amal qilish baliga etmaganligi ko`rsatilgan.
Telegramdagi "Yurist xizmati"ga murojaat qildik (2428-savol). Tavsiyanoma Respublikamizdagi barcha mahalliy OTMda birdek amal qiladi deb javob yozdi. Mana shu kungacha ijobiy natija bo`lmadi.
TAHRIRIYaTDAN: O`zbekiston Respublikasi Vazirlar Mahkamasining 402-son qarorida shunday deyiladi:
"Tavsiyanoma ajratilgan qo`shimcha to`rt foizli davlat granti asosidagi qabul ko`rsatkichlari doirasida abiturient sifatida ro`yxatdan o`tishida tanlagan birinchi ta`lim yo`nalishi bo`yicha tanlovda ishtirok etish huquqini beradi, ikkinchi va undan keyingi oliy ta`lim olish uchun tanlovda ishtirok etishga nisbatan tatbiq etilmaydi."
Ammo abiturient qaysi viloyatdan bo`lsa, o`sha viloyatga topshirsin degan joyi yo`q.
УЗ
-middle.jpg)
