Yangiyo`l tumanidagi namunali uyda gaz portlashi sodir bo`ldi

Bugun – 30 noyabr kuni soat 7:42 da Toshkent viloyati Yangiyo`l tumani Istiqlol ko`chasi, "Qirariq" MFY da joylashgan 80-sonli uyda gaz-havo aralashmasi chaqnashi oqibatida yong`in kelib chiqqan.

Birlamchi ma`lumotlarga ko`ra, chaqnash natijasida uyning bir qismi qulab tushib xonadon sohiblari vayronalar ostida qolgan. Turar-joyning zarar etgan qismidan to`rt kishi olib chiqilib, tibbiyot muassasasiga yuborilgan.

Favqulodda vaziyatlar vazirligi xabariga ko`ra, chaqnash oqibatida 36 yoshli ota va 14 yoshli katta farzandi vafot etgan bo`lib, ona va kichik  faarzand turli darajada tan jarohatlari olgan.

Birlamchi ma`lumotlarga ko`ra, chaqnashning asosiy sababi sifatida tabiiy gazdan foydalanish qoidalarining buzilishi taxmin qilinmoqda.