Hukumatning “140 ta ilg`or sanoat korxonasi” dasturini amalga oshirish va “sanoat ipotekasi” tizimini joriy qilishga doir chora-tadbirlar to`g`risida”gi qarori (684-son, 26.12.2023 y.) qabul qilindi.
Qarorga ko`ra, 2024 yil 1 yanvardan “sanoat ipotekasi” tizimi joriy etiladi. Bunda:
— tadbirkorlarga er uchastkalari (ishlab chiqarish maydonlari) qurilish uchun tegishli ruxsatnomalar va loyiha hujjatlari rasmiylashtirilgan holda, “tayyor biznes” shaklida auksion savdolariga chiqariladi;
— ishlab chiqarishni tashkil etish maqsadida bino va inshootlar xarid qilish uchun 7 yil muddatga, 2 yilgacha imtiyozli davr bilan milliy valyutada yillik 10 foiz stavkada kreditlar ajratiladi. Bunda tijorat bankining marjasi 4 foiz miqdorida belgilanadi.
Shuningdek, dastur doirasida tanlov g`oliblariga xorijiy valyutada yillik 4 foiz va milliy valyutada yillik 10 foiz stavkada 10 yil muddatgacha, shundan 3 yilgacha imtiyozli davr bilan bir loyiha qiymatining 25 foizi miqdorida, biroq 10 million AQSh dollaridan ko`p bo`lmagan miqdorda kreditlar ajratiladi.
Bunda ushbu kreditlar bo`yicha tijorat banklarining marjasi xorijiy valyutada 2 foiz va milliy valyutada 4 foizni tashkil etishi aytilmoqda.
Yirik sanoat loyihalarini ochiq tanlov asosida tanlashning asosiy mezonlari:
— loyiha doirasida kamida 100 ta yangi ish o`rinlari yaratilishi;
— ishlab chiqariladigan mahsulotning ichki bozordagi import ulushi 50 foizdan yuqori bo`lishi;
— ishlab chiqarish texnologik asbob-uskunalari yangi (yangi avlodga mansub) bo`lishi kerak.
Dastur doirasida tanlov g`oliblariga xorijiy valyutada yillik 4 foiz va milliy valyutada yillik 10 foiz stavkada 10 yil muddatgacha, shundan 3 yilgacha imtiyozli davr bilan bir loyiha qiymatining 25 foizi miqdorida, biroq 10 million AQSh dollaridan ko`p bo`lmagan miqdorda kreditlar ajratilishi belgilangan.
УЗ
