Yangi yil arafasida qor yog`adi

Yangi yil kechasi O`zbekiston respublikasining aksar qismida qor yog`ishi mumkin, ekanini «O`zgidromet" bosh direktori e`lon qilgan edi.

O`zgidrometning yangi xabarlariga ko`ra, bugun, 30 dekabrdan respublikamizning ayrim hududlarida qor yog`ishni boshlaydi. 

Qoraqalpog`iston, Xorazm va tog`li joylardagina qor yog`ishi mumkin:

30 dekabr kuni Toshkentda yog`ingarchilik bo`lmaydi. Sharqdan sekundiga 3-8 metr tezlikda shamol esadi. Kechasi 0-2, kunduzi 5-7 daraja iliq bo`ladi.
Qoraqalpog`iston Respublikasida ayrim joylarda biroz yog`ingarchilik (yomg`ir, qor) bo`ladi. Joylarda tuman tushishi mumkin. G`arbdan sekundiga 7-12 metr tezlikda shamol esadi. Shamolning tezligi ayrim joylarda sekundiga 15-20 metrgacha kuchayishi mumkin. Kechasi 5-10 daraja sovuq, kunduzi 2 daraja sovuq, 3 daraja iliq bo`ladi.  

Xorazm viloyatining ba`zi joylarida biroz yog`ingarchilik (yomg`ir, qor) bo`ladi. Joylarda tuman tushishi mumkin. G`arbdan sekundiga 7-12 metr tezlikda shamol esadi. Shamolning tezligi ba`zi joylarda sekundiga 15-20 metrgacha kuchayishi mumkin. Kechasi 3-8 daraja sovuq, kunduzi 0-5 daraja iliq bo`ladi.

Buxoro va Navoiy viloyatlarida ayrim joylarda tuman tushishi mumkin. Sharqdan esayotgan shamol o`z yo`nalishini o`zgartirib, g`arbdan sekundiga 7-12 metr tezlikda esadi. Shamolning tezligi cho`l hududlarida sekundiga 15-20 metrgacha kuchayishi mumkin. Kechasi 0-5 daraja sovuq, kunduzi 3-8 daraja iliq bo`ladi.    

Toshkent, Samarqand, Jizzax va Sirdaryo viloyatlarida ba`zi joylarda tuman tushishi mumkin. Sharqdan esayotgan shamol o`z yo`nalishini o`zgartirib, g`arbdan sekundiga 7-12 metr tezlikda esadi. Kechasi 2 daraja sovuq, 3 daraja iliq, kunduzi 4-9 daraja iliq bo`ladi.  

Qashqadaryo va Surxondaryo viloyatlarida ayrim joylarda tuman tushishi mumkin. Sharqdan esayotgan shamol o`z yo`nalishini o`zgartirib, g`arbdan sekundiga 7-12 metr tezlikda esadi. Kechasi 2 daraja sovuq, 3 daraja iliq, kunduzi 5-10 daraja iliq bo`ladi.  

Andijon, Namangan va Farg`ona viloyatlarida ba`zi joylarda tuman tushishi mumkin. Sharqdan sekundiga 5-10 metr tezlikda shamol esadi. Kechasi 1-6 daraja sovuq, kunduzi 0-5 daraja iliq bo`ladi.    

Respublikamizning tog`li hududlarida vaqti-vaqti bilan yog`ingarchilik (yomg`ir, qor) bo`ladi. Ba`zi joylarda tuman tushishi mumkin. Sharqdan esayotgan shamol o`z yo`nalishini o`zgartirib, g`arbdan sekundiga 7-12  metr tezlikda esadi. Kechasi 1-6 daraja sovuq, kunduzi 0-5 daraja iliq bo`ladi.