Toshkentning oʻzida oʻn uch hokim, oʻn uch hokimning 80 nafardan koʻp oʻrinbosari bor.
Davlat Boshqaruvida optimallashtirish haqida yuqori minbarlarda gapiriladi. Lekin bir hokimda 10 lab oʻrinbosar boʻlishiga ruxsat ham beriladi. Bizning boshqaruv ana shunday tuzilgan. Toshkent shahar hokimi Jahongir Ortiqxoʻjayevning 10 ta oʻrinbosari borligini bilasizmi? Bilmasangiz tanishtirib oʻtamiz:
Toshkent shahar hokimning moliya-iqtisodiyot va kambagʻallikni qisqartirish masalalari boʻyicha birinchi oʻrinbosari – shahar iqtisodiy taraqqiyot va kambagʻallikni qisqartirish bosh boshqarmasi boshligʻi
Shakirov Xotambek Anvarovich
***
Toshkent shahar hokimining arxitektura, kapital qurilish va kommunikatsiyalarni rivojlantirish masalalari boʻyicha birinchi oʻrinbosari
Raxmonov Baxtiyor Sultonovich
***
Toshkent shahar hokimi oʻrinborsari – Uy-joy kommunal xizmat koʻrsatish bosh boshqarmasi boshligʻi v.v.b
Raximdjanov Shoxrux Gayrat oʻgʻli
***
Toshkent shahar hokimi oʻrinbosari - shahar kanallardan foydalanish va ularga tutash hududlarni obodonlashtirish boshqarmasi boshligʻi
***
Toshkent shahar hokimining oʻrinbosari – Toshkent shahar investitsiyalar va tashqi savdo boshqarmasi boshligʻi
Raxmanov Sharof Diyorovich
***
Toshkent shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari
Raximova Durdona Shukurullayevna
***
Toshkent shahar hokimining jamoat va diniy tashkilotlar bilan aloqalar boʻyicha oʻrinbosari
Karshiyev Almardan Elamanovich
***
Toshkent shahar hokimining oʻrinbosari - oila va xotin-qizlar boshqarmasi boshligʻi
Umarova Nodira Nigmatullayevna
***
Toshkent shahar hokimining axborot texnologiyalarini joriy etish boʻyicha oʻrinbosari - Raqamli rivojlanish departamenti rahbari
Xen Aleksey Fedorovich
Toshkent shahar hokimining turizm, sport, madaniyat, madaniy meros va ommaviy kommunikatsiyalar masalalari boʻyicha oʻrinbosari - shahar Turizm va sport bosh boshqarmasi boshligʻi
***
Har bir hokim oʻrinbosarining kotibiyat mudirlari ham bor.
Qiyoslash uchun Markaziy Osiyodagi katta shaharlardan biri Ostona hokimining 4 ta oʻrinbosari bor.
Endi tumanlarga kelsak, Toshkentda 12 tuman bor boʻlsa uning har birida 6 tadan hokim oʻrinbosari lavozimi mavjud, yaʼni 72 nafar hokim oʻrinbosari faoliyat olib boradi. Bular tuman hokimining Iqtisodiyot va tadbirkorlik masalalari boʻyicha birinchi oʻrinbosari, Tuman hokimining arxitektura, kapital qurilish va kommunikatsiyalarni rivojlantirish boʻyicha oʻrinbosari, tuman hokimining uy-joy, kommunal xizmat koʻrsatish va obodonlashtirish masalalari boʻyicha oʻrinbosari, tuman hokimining oʻrinbosari - investitsiyalar va tashqi savdo boʻlimi boshligʻi, hokimning yoshlar siyosati, ijtimoiy rivojlantirish va maʼnaviy-maʼrifiy ishlari boʻyicha oʻrinbosari, tuman hokimining oʻrinbosari-mahalla va oilani qoʻllab-quvvatlash boʻlimi boshligʻi kabi lavozimlardir. Biz hokim oʻrinbosariga tenglashtirilgan lavozimlarni hisoblaganimiz yoʻq.
УЗ
-middle.jpg)
