Shu yilning 13 aprel kuni saytimizda: «...“Bomba tushgan“ ko`chalardan reportaj. Rost24.uz'ning navbatdagi so`rovnomasi Toshkent tumani, Bunyodkor mahallasida o`tkazildi» sarlavhasi ostida videolavha e`lon qilingan edi.
Toshkent tumani hokimligi so`rovnomada ko`arilgan masalalarga o`z munosabatini bildirdi .
Unda, Toshkent tumani hokimi “Bunyodkor” mahallasi fuqarolari bilan uchrashish uchun ikki oy oldin (fevral oyida) borgani, shu kungacha esa hududga 4-5 marotaba borib, aholining barcha talab va istaklarini tinglagani, natijada kelishuvga erishilgani aytiladi.
Biroq,
«...ushbu hududda qurilish qilayotgan tadbirkorlar mahallada istiqomat qilib kelayotgan ba`zi shaxslar tarafidan tazyiqqa uchraganligi sababli qurilish ishlarini davom ettirish ishlari muddati uzaytirilgan. Qolaversa, mahallada istiqomat qiluvchi xonadonlarning aksariyatida qurilish ishlari yakuniga etkazilmagan va ko`chalarning “bomba tushgan” holatga kelib qolishiga bu ko`chalarda qurilish materiallarini tashuvchi yuk mashinalarning serqatnovligi sabab bo`lgan».
Mahalladagi muammoga echim bormi?
«O`zbekiston Respublikasi Prezidentining (22.01.2022, PQ-98-son) qaroriga muvofiq, Toshkent viloyati Toshkent tumani “Bunyodkor” mahallasi Zarbuloq asosiy ko`chasining me`moriy qiyofasini zamonaviylashtirish va obodonlashtirish (velosiped va piyodalar yo`lagi) zamonaviy arxitektura va shaharsozlik talablari asosida loyihalashtirish rejalashtirilgan bo`lib, “Toshkent viloyati hokimligi huzuridagi Yagona buyurtmachi xizmati injiniring kompaniyasi” buyurtmasiga ko`ra ob`ektni loyihalashtirish ishlari yakunlangan va tez kunlarda qurilishi ishlari boshlanadi.
Loyihada “Bunyodkor” mahallasining asosiy Zarbuloq ko`chasining bir yarim kilometr qismida piyodalar yo`lagi, yoritish tizimlari, sog`lomlashtirish yo`lakchasi, urna, aholi dam olishi uchun o`rindiqlar, soyabonli o`rindiqlar, salomatlik uchun zarur bo`lgan sport inshootlarini qurish va yangi ariqlar qo`yish ish turlari ko`zda tutilgan. Shuningdek, loyihaga nogironlar aravachasida yurish uchun qulaylik yaratish maqsadida panduslarni o`rnatish ham kiritilgan», deyiladi munosabatda.
Yuqoridagi loyihaga kiritilmagan ko`chalar bo`yicha hokimlik fuqarolarga tushuntirish berganini ta`kidlagan.
«...loyihaga kiritilmagan ko`chalari tuman mahalliy byudjet daromadlaridan ajratilgan pul mablag`lari hisobidan, jamoatchilik fikri asosida “Open byudjet” dasturi doirasida ta`mirlash mumkinligi fuqarolarga tushuntirilgan.
Ayni vaqtda “Ochiq byudjet” axborot portalida “Mening yo`lim” loyihasini ishga tushirilgan bo`lib, fuqarolar tuman (shahar) byudjeti parametrlarida hududiy ichki yo`llarni ta`mirlash uchun ajratilgan mablag`larning kamida 50 foizini “Ochiq byudjet” axborot portali orqali jamoatchilik fikri asosida aniqlangan ichki yo`llarni ta`mirlash uchun yo`naltirish imkoniyatiga egadirlar. Buning uchun ushbu havola orqali tashabbus qo`shish va ovoz berish hamda tashabbusga mahallada istiqomat qiluvchi aholining ovoz berish jarayonida uyushqoqlik faol ishtirok etishi talab etiladi» — deyilgan Toshkent tumani hokimligi Axborot xizmati xabarida.
УЗ
-middle.jpg)
