Раматова хоним ортидаги миллиардларга етакловчи бизнес империя ошкор бўлди

31.03.2022 11:26

Бу занжир Бош вазир ўринбосари Очилбой Раматов рафиқаси Раъно Раматовага боғланган

Гарчи Раматова ва унинг яқинлари бу маълумотларни инкор қилаётган бўлса-да, суруштирувга ихтисослашган ОАВлар миллиардларга етакловчи бизнес империя ҳақидаги фактларни оммага ошкор қилишда давом этмоқда.

Ғариблашган «Ўзбекистон темир йўллари» ва Раматовага қарашли бўлган Швецариядаги ҳисоб рақамлар

Ўзбекистон Бош вазири ўринбосари Очилбой Раматовнинг рафиқаси Раъно Раматованинг офшор ҳудудлардаги йирик бизнеслари ҳақида ўзбек оммавий ахборот воситаларида кўп ҳам ёзилмаган. Аммо дунё ОАВсида жорий йилнинг февраль ойида Раматова хонимнинг Credit Suisse банкидаги ҳисоб рақамида 2010 — 2015 йилларда 1 миллион доллардан ортиқ маблағ бўлгани ҳақида маълумотлар тарқалди.

Раматова эса “Daryo” нашри билан суҳбатда вазиятга изоҳ бераркан, бундай хабарлар ёлғон ва ҳақиқатга ҳеч қандай алоқаси йўқ. Қолаверса, ҳеч бир хорижий банкда ўзининг ёки унинг оила аъзоларига тегишли ҳисобрақам мавжуд эмас ва илгари ҳам бўлмаган. Раматова ОАВдан сохта маълумот тарқатмасликни сўраган.

Бироқ Коррупция ва уюшган жиноятларни тадқиқ қилиш марказининг кейинги очиқлаган маълумотлари Раматова хонимнинг фамилияси Ўзбекистондаги яширин йирик молиявий ўйинларга аралашганини тасдиқламоқда. Бу сафар тадқиқот маркази тақдим этган ҳужжат ва тафсилотларни шунчаки “фейк” дея инкор қилиш имконсиздек.

Ўйлаймизки, ушбу тафсилотлар Ўзбекистондаги Коррупцияга қарши кураш агентлиги маъмуриятини ҳам жиддий ўйлантиради ҳамда Раматова ва унинг ортидаги фамилияларга текширув очилишига сабаб бўлади.

Раматова хоним ортидаги бизнесмен ким?

Очилбой Раматов ва Файзуллажон Мирзаев

Коррупция ва уюшган жиноятчиликни тадқиқ қилиш маркази Очилбой Раматовнинг рафиқаси билан боғлиқ қуйидаги фактларни очиқлаган.

•  Раъно Раматова Швецария банкида ҳисоб рақамига эгалик қилган ва бу ҳисоб рақами учун ишончнома Ўзбекистондаги йирик бизнесменлардан бирига тегишли бўлган.

•  Ишончномага эга йирик бизнесмен "Orient Group" компаниясининг таъсисчиларидан бири ҳисобланади. “Orient Group” эса ўз ўрнида Раъно Раматованинг турмуш ўртоғи 20 йил давомида бошқарган “Ўзбекистон темир йўллари” акционерлик жамиятининг бизнес ҳамкори бўлган.

•  Шунингдек, Раматова хонимнинг “Ўзбекистон темир йўллари”дан пул ўзлаштириш учун махсус очилган офшор компанияси ҳам бўлган. Раматова ортидаги йирик тадбиркор Файзуллажон Мирзаев бўлиб, у Ўзбекистонда бир қанча банк, қишлоқ хўжалиги ва қурилиш каби соҳаларда йирик бизнесларга эга шахс.

Раъно Раматовага тегишли Швецариядаги банк ҳисоб рақамидаги пуллар пора ёки бошқа қинғир йўллар билан тўплангани ҳақида тўғридан- тўғри маълумотлар мавжуд эмас. Бироқ, “Orient Group” Раматовнинг чўнтаги бўлган, дейилади тадқиқот марказининг материалида.

Шунингдек, (Pandora Papers) Пандора қоғозларида ҳам Очилбой Раматов ва Файзуллажон Мирзаевларни боғлаб турувчи бизнеслар ҳақида маълумотлар сизиб чиққани айтилади.

Пандора қоғози маълумотларига кўра, Раъно Раматова Британиянинг Виржин оролларида “Keltran International Limited” компаниясига асос солган. Аммо, Раматова ушбу компания бенефициари бўлсада, унинг фойдаларига тўғридан-тўғри эгалик қилмаган. Ушбу фирманинг эгаси сифатида яна бир офшор компания кўрсатилган. Коррупция ва уюшган жиноятларни тадқиқ қилиш маркази журналистларига кўра, бу ўйинлар Раматова хонимнинг машҳур номини яшириш учун амалга оширилган.

Раматова ўз даромадлари манбаси сифатида Ўзбекистондаги темир йўллари бизнесини кўрсатган. Аммо, бизга маълумки, Раъно Раматова “Ўзбекистон темир йўллари”нинг акцияларга эгалик қилмаган. Раматова хонимга тегишли, дея кўрилган “Keltran International Limited” компанияси қимматбаҳо қоғозларга инвестиция киритиш билан машғул бўлган ҳамда ушбу компания бошқаруви билан Швецариянинг “Clariden Leu” номли хусусий банкининг вице президенти шуғулланган. Банкнинг Раматова номидан иш юритиш ҳуқуқи бўлган. Келтран компаниясининг ҳисоб рақами эса Falcon Private номли Швецария банкида сақланган.

Россиядаги миллион долларлик офислар

Келтран фирмасининг юридик манзили Раматовага қарашли, деб кўрилган яна бир йирик компанияга етаклайди. Ушбу компания 2010 йилда Россияда рўйхатдан ўтган “Эйч Ди Трейд” фирмасидир. “Эйч Ди Трейд” 2014 йилда 600 метр квадратли офисларни сотиб олган. Шартнома суммаси эса маълум эмас. Ҳозирги вақтда бу ҳажмдаги офислар нархи тахминан 1.3 миллион АҚШ доллари миқдорида баҳоланади. 

Раъно Раматова ўзи инкор этган “Credit Suisse” банкидаги ҳисоб рақамини 2010 йилларда, айнан офшор компанияларни таъсис этган вақтда очган. 

Коррупция ва уюшган жиноятчиликни тадқиқ қилиш маркази Раматова хонимнинг Швецария банкидаги ҳисоб рақамлари ва офшор компанияларига тегишли расмий ҳужжатларни очиқ тақдим этган. Мақолага кўра, Раматова хоним тан олмаган ҳисоб рақам айни дамда ёпилган. 

2021 йили Rost24.uz сайтимизда “Ўзбекистон темир йўллари”нинг ўтган асрдан қолган абгор вагонларидан репортаж эълон қилинган эди. Ортида шундай катта бизнес ва Швецарияда ҳамёнларни яратган «Ўзбекистон темир йўллари»да ҳамон Совет иттифоқидан қолган тарихий вагонлар ишлаб турипти. Бу вагонлар аҳоли учун сифатли даражада хизмат қилмаган бўлса-да, хорижий ҳисоб рақамларни тўлдириш учун беминнат бел боғлаганга ўхшайди.

 

P/S: Rost24.uz эндиликда амалдорларнинг офшор ҳудудлардаги яширин бизнеслари ҳақида маълумотлар бериб боради. Бу яширин миллиардлар ортида сиз кутмаган номлар ҳам бор.  

Бизни кузатиб боринг.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
130
Изоҳ қолдириш
Изоҳлар
21.04.2022 02:45
Буюрмасин
19.04.2022 13:02
Эх узбек бойлари...каергача бораркана.барибир КАБРга бум буш курук кул бн кетасанку.нахотки тушунмайди.АФСУС.
19.04.2022 09:31
Tullaklar
15.04.2022 16:40
"Aligarx" degan so'zni biznikilar maqtov-mulozamat sifatida qabul qilishadi shekili? Ammo to'g'ri idrok etsak bu so'zni qiyinchilik bilan "og'zi qonga belangan bo'ri cho'pon" deb tarjima qilganimiz maqul.
15.04.2022 10:18
Аммо Рост24 га алохида Рахмат. Аллох сизларни уз панохида асрасин
15.04.2022 10:15
Коррупцияга карши кураш агентлиги еки хукук идоралари жим, демак, хавотирга урин йук. Демак, элитар даражада коррупция йук. Факат бир нарса, азизларим, биз вахимачи булиб, тухматчи булиб колаяпмиз. Сузимнинг исботи сифатида такрор айтаман:унда нега хукук идоралари жим, демак, хаммаси жойида. Ахир, президентга хисоб берувчи коррупция агентлиги президентни алдаши мумкинми?! Шундай булган такдирда яна хукук идораларига келамиз:кингир ишнинг кийиги 40 йилда хам чикади. Булди, масала шу ерда ечилди. Аммо бир нарса алам килади:уша пайтда бу ишни килганлар хам биз хам аллакачон утиб кетган, шундай олгирларнинг янги тудаси ва '' вахимачи'' Халкнинг эски платформадаги янги киссалари уз замонасининг блогосферасидаги энг халкчил маколалари булиб колаверади. Жиноятчилар эса жазосиз колиб кетаверади. Танлов:еки вахимачи халк булиб коламиз еки олигарх буламиз. Бунга исбот:олигарх борлигини тан олаярмизми, демак, унга элтар кингир йуллар хам бор, хафсала ва харакат сиздан. Факат эхтиет шарт, ахир хукук посбонлариям бор-а! пойлаб пойлаб иш курамиз, ими-жимида
15.04.2022 00:26
Эх. Баъзилар ночор холда яшаётганини билан холда булар кандай килиб миллионларни сарфлади экан виждон деган нарса зур ишларкан буларда киёматда кандай жавоб берар экан бирор арзирли жавоби бормикин
14.04.2022 18:02
Suv boshidan loyqa
13.04.2022 17:21
CHOCHQA TO'YDI IT TO'YDI SENTO'YMADING ODAMZOT.BALIQ BOSHIDAN SASIYDI. I O'NAZARIV
11.04.2022 01:38
Bu aligarxlarni xammasini pulini davlat hisobiga qayta musodara qilish kerak.
10.04.2022 15:06
ДХХ да ушбу йуналишда шугулланадиган бошкарма йук эканда. Улар факат ариза тушса департамент Билан бирга ишлайдими. Давлат ни миллионларини йуколиши хавфсизлик эмасми
09.04.2022 16:47
E yesa yebdi, davlatimiz qassoqlashib qolarmidi shu bilan
09.04.2022 03:15
Чет эллардаги каби эркин журналистик суриштирув Ўзбекистон да хам бошлангани яхши лекин натижага эришиш муаммо бўлиб қоляпти. ИИ, прокуратура, дхх, вазирликлар даги катта катта коррупциялар очилса қуйидаги майда чуйда коррупциялар ўз ўзидан йўқолиб кетиши аниқ.
08.04.2022 21:00
Коррупция. Давлат мулкини угирлаш..
06.04.2022 09:58
Узбекистондаги коррупционерлар саратон ўсмасига ухшайди. Уни еки илдизидан кесиб ташлаб, еки улиб кутиласиз.
06.04.2022 04:55
"Qo'y" yig'lama-"qo'y" yig`lama jumlasiga tinish belgilarini to'g'ri qo'ying
05.04.2022 22:51
Давлат бошкаруви ута демократик булиши бу кийин нарса.Мана шунака ракамларни келтираётган ошкораликни таргиб килаётган одам хам халкни дарди учун ёниб куйяпти деганлар ута адашади.Бу халк учун эмас халк эътиборини ишончини козониб юкори бошкарувга чикиб яна халкни эзиш учун.Фараз килинг шу нашр бош мухаррири вазир булса у жимгина утирадими?Мол давлат кимларни не ахволга солмаган.Ман бу гапим бн булар нотугри айтяпти демокчи эмасман,балким хакикатдир.Аммо буни остида халк манфаати ётгани йук бу аник.Халк манфаатини уйлайдиган фидоийлар факат яратган томонидан юборилади ва улар нафс деган упкондан тийилган,кибр ва хавасдан узоклашган одам булади.
05.04.2022 16:36
Афсуски, хеч кандай текширув хам булмайди, чунки булар Энг катта Билан боглик.
04.04.2022 19:27
Булар Ўзбекистонни еб битиришди.Сизларга катта,Худо қувват берсин.04.04.22
04.04.2022 19:25
Сизларга катта раҳмат,бундай ўғри-мутатаҳамларни башарасини очишда Худо қувват берсин.
04.04.2022 08:37
"Soqqani qil, soqqani!" "Любая бизнес хороша!" P.S. "Yemoqning qusmog'i bor!" O'zbek xalq maqoli.
04.04.2022 01:47
Халкдан умариб топганини ташиб обориб европаликларга едиряпти бу ифлослар..
03.04.2022 22:14
Айтдим ойлигимиз нимага ошмайди деб
03.04.2022 05:57
Хечкимгаишончйуксизларгахам
02.04.2022 22:46
Койил, кутмаган эдим. Афсус. Худо жазосини берсин бунакаларни. Булар каргиш урган пуллар. Буюрмайди.
02.04.2022 20:40
Эх аттанг, бунакалардан качон кутуламизкан.
02.04.2022 16:30
Энг узоқ бўлган Нукусга ҳам янги вагон йуқ.
02.04.2022 16:28
Нукус - Кунгирот поездига миндириш керак. Раънохонни Шунда билади.
02.04.2022 13:52
Бу накала куп, чора куриш вакти келди токи бошкалар хулоса чикарсинлар
02.04.2022 12:00
Сизларга рахмат. Ўзларингизни эҳтиёт қилинглар.
02.04.2022 11:57
Буларда юзида эшшакнинг териси булса керак ёки корни Гуругли достонидаги Хасан кулварнинг корнидан 10 баравар катта 100 та тимсох,10 фил ва 20 туяни бир утиришда еса керакда! Мена нега йигит кизларимиз кичкина булиб бораяпти десам.Бу туймаслар........
01.04.2022 22:01
Manbalarni kiritinglar oxirida.
01.04.2022 19:20
Оддий бомжам нари боса 80-90 ёшгача яшашини билади. Бу тупойлар абадий яшайман деб уйласа кере. Охиратдан кечиб, 20-30 йиллик колган умрни харом пулларни еб кайф сафода утказиш хакида уйлаш учун одам гирт тупой булиши керак. Бунака тупойлар тепада нима килиб юрибди хайронман. 40 млрд карз билан уже дубайдан яхши яшавотган булишимиз керак эди. 40 млрд катга кетти, уша уша Узбекистон. Хамма ресурс узимизда, арзон ишчи кучи узимизда. Умуман карз олишга сабаб йук. Эй каламуш тупой угрилар! Куп гунохлар кечирилади лекин бировни хаккини ейиш хисоб-китоби киёматда булади. Миллионлаб одамни хаккини бу дунёда кайтариш осон, киёматда кайтаришинг кийин булади, савобларингни териб олиб кетишади урнига. Тупойлигингча утирасан вой мен билмабман деб.
01.04.2022 16:59
Эх аттанг качон кутуламиз бундай холатлардан.
01.04.2022 14:28
Темир йулда хак тулаш ведомостлардан хам текшириш керак уруг.аймоги куда Анда хаммаси шунда
01.04.2022 13:18
Бировни хаки алини Уки инсоф берсин
01.04.2022 08:26
Рахмат. Бу уғоиларни юзини ошкор этишдаидавом этинг. Бу пуллар узбекмхалқигаитегишли булгани боис узбек халқига қайтариш имкониятлари борми?
01.04.2022 05:35
kalamushlar to'dasiga ....
01.04.2022 02:58
Қинғир ишнинг қийиғи қирқ йилдан кейин хам ошкор бўлади! Халқнинг хаққига хиёнат қилиб топилган бу харом пуллар эгаларига буюрмайди, бунга мисол тариқасида Н.Назарбоевни келтириш мумкин.
01.04.2022 01:35
1970 йиларда ишлаб чикарилган абжаги чиккан йуловчи ва юк вагонларда цивицария франкида хисоблаб хак олинишади.лекин даромадимиз афирканинг Энг колок давлатларида хам оз.ундай булгандан кегин офшорларда хисоб ракам очилиб Узбекистан ва узбек халкини талашда давом этмокда
01.04.2022 01:10
Gap yo‘q zo'r Davom etinglar
31.03.2022 23:42
Халқ душмани!!!
31.03.2022 23:41
Охири бӯкиб ӯлади ҳаммасиям
31.03.2022 22:15
Зур
31.03.2022 20:48
Ey xalq kuzingni och, seni talayapdi, xaqqiyni talab qil
31.03.2022 20:06
Rost24.uz Газини босинглар чикаринглар шунака аник маьлумотларни! Халк билсин бу КАЛАМУШЛАРНИ!
31.03.2022 19:38
Bularni ko‘zini tuproq to'ldiradi. Qancha yetimlarni beva bechoralarni xaqqi bor bu pullarda
31.03.2022 19:27
Узбек халки ички душманларини ёритишда давом этиг Сардоба вокеаларини чукур журналист текширувлар уткариг 400млн$га якин давлат бюджет солик туловчи пуллари каерга кетган?
31.03.2022 18:07
Ўша пуллар мамлакат тараққиёти учун ишлатилганда анча ривожланиб кетган бўлардик, афсус, давлатни пули дегани бу етим-есир, бева-бечорани ҳаққи.Охиратда ҳисоби сўралади.Ҳаттоки фарзандини бу йўлдан қайтармагани учун ота-оналари ҳам гуноҳга шерик бўлиб жавоб беришини билармикан?
31.03.2022 18:06
Янги Гулнора Каримова пайдо бўлибди-да
31.03.2022 18:05
Давринг келди, соққани қил, соққани, Сенга ҳам бордир худонинг боққани, ҳей, боққани
31.03.2022 17:21
Haa mayli rahbarlarni boquvraylikchi biror kun tuyib qolar. Ming lanat