Матн сунъий интеллект томонидан яратилганми ёки инсон томонидан ёзилганми?

Википедия буни осон аниқловчи қўлланмани ишлаб чиқибди. Сўнгги пайтларда баъзи матн, мақола, ҳаттоки бутун бошли китобларнинг ҳам сунъий интеллект ёки инсон томонидан ёзилганини фарқлаш ўта мураккаб жараёнлардан бири бўлиб қолди. Сунъий интеллект ўта катта тезлик билан инсон омилини суриб чиқармоқда. Аммо, инсон барибир инсон, яъни ҳис-туйғуга эга мавжудот томонидан яратилган матнлар ёки ишлар барибир қадрлироқ ва бундан тўхтатиб бўлмайдиган тарзда бутунлай воз кечилиб кетиш хавфи ёмон оқибатларни келтириб чиқариши мумкин.

Википедия томонидан лойиҳаси доирасида ишлаб чиқилган қўлланма фойдаланувчиларга ва муҳаррирларга матн инсон томонидан ёзилганми ёки тил модели томонидан яратилганми, аниқлашга ёрдам беришга мўлжалланган.

Бу қўлланма ҳар куни контент билан ишлайдиган ва формулали сўзлар ва механик ёзиш услубини таний оладиган одамларнинг кенг тажрибасига асосланган.

Қўлланмадан кенг омма учун мўлжалланган ва у википедиянинг сунъий интеллект даврида саводхонликни ошириш бўйича таълим ташаббусининг бир қисми сифатида яратилган.
У СИ томонидан яратилган матннинг бир нечта асосий белгиларига асосланиб, матнларни фарқлайди.

Масалан, матндаги "эътиборга лойиқ" ва "умуман эътиборга лойиқ" каби такрорий иборалар, «хулоса» каби стандарт якунлар ва муаллифнинг услубини акс эттирмайдиган ҳаддан ташқари нейтрал, энциклопедик оҳанглар ёрдамида, матн инсон ёки сунъий интеллект томонидан яратилганини осон ажратишга асосланган.

Шунингдек, яна бир эътибор қаратиладиган жиҳат, бу ҳаволалардир. Моделлар кўпинча ишонарли кўринадиган, аммо мавжуд бўлмаган хаёлий DOI, ISBN ва URL  манзилларини яратади.

Бундан ташқари, қўлланмада сунъий интеллект томонидан яратилган матннинг таркибий белгилари, масалан, рўйхатлардан ҳаддан ташқари фойдаланиш, ҳаддан ташқари соддалаштирилган тушунтиришлар ёки аниқ мисоллар ва шахсий таҳлилларнинг йўқлиги тасвирланган.

Мутахассислар сунъий интеллект томонидан яратилган матн мантиқий ва яхши тузилган бўлиши мумкинлигини таъкидлашади, аммо яқиндан ўрганиб чиқилса, унинг формулали эканлиги ва такрорий сўзлар орқали унинг сунъийлигини очиб бериш мумкин.

Википедия бу кўрсатмаларни WikiProject AI Cleanup лойиҳасида амалга оширмоқда.
Шунингдек, энди сунъий интеллект томонидан яратилган матнга аниқ ўхшашлиги гумон қилинган мақолалар тез ўчириш жараёнидан ўтиши мумкин.

Бу энциклопедия сифатини сақлаб қолиш билан бирга шубҳали материалларни тезроқ аниқлаш ва текшириш имконини беради.
Лойиҳа асосчилари янги мақолаларнинг 5% гача сунъий интеллект томонидан яратилган муҳим парчаларни ўз ичига олиши мумкинлигини тахмин қилишмоқда.