Барча амалдорлар — вазиру ҳокимларгача хорижга, дунёнинг энг сўлим масканларига дам олиш учун кетмоқда

03.01.2022 02:09

ЁХУД Ўзбекистонни чўлга айлантирган амалдорлар хорижнинг баҳаво масканларида дам олишади

Ўзбекистон Республикаси ҳукумати ва Президент администрацияси, яъни Бош вазир, унинг ўринбосарлари, вазирлар, ҳоким ва унинг барча ўринбосарлари, Президент маслаҳатчилари 2022 йил 1 январдан 15 январь кунига қадар навбатма навбат барчаси меҳнат таътилига чиқиб, дунёнинг энг сўлим масканларига дам олиш учун кетмоқда.

Расмий хабарларга кўра, ўзбекистонликлар ҳар йили чет элда дам олиш учун 1 миллиард 200 миллион доллар атрофида пул сарфлашмоқда. Бу сумманинг қанчаси амалдорлар ҳисобига тўғри келиши ҳақида ҳозирча аниқ маълумот йўқ. 

Манбаларнинг хабар беришича, амалдорларимиз Анталия, Таиланд, Малдив ороллари, Сочи, Кисловодск, Ялта каби дунёга машҳур хорижнинг сиҳатгоҳларида дам олиши кўзланган.

Ички туризмни ривожлантириш ташаббуси тарғиб қилинаётган бир вақтда амалдорларимизнинг хорижда дам олаётганини тушуниш қийин. Савол туғилади. Ўзбекистон иқлими, табиатини авайлай олмаётган, аксинча, дарахтларнинг шиддатли кесилишини олдини олиш учун махсус қонун ва моддаларни ишлаб чиқолмаган амалдорларнинг ўзлари табиати гўзал давлатларда дам олишида адолат борми?

Гўёки, дарахтсиз қолаётган Ўзбекистон табиати чет мамлакатларга дам олгани чиқа олмаган фуқаролар учун совға сифатида қолдирилгандек. Хорижнинг кўм кўк, сўлим масканларида дам олаётган амалдорлар Ўзбекистоннинг табиати учун жиддий қайғурармикан?

Ўзи умуман барча амалдорларнинг бундай тарзда оммавий дам олишга, ўзга давлатларга чиқишидан мақсад нима?

Қолаверса, коррупциясиз жамият қуришга отланган давлатларда доимо бу каби ҳолатлар, шаффоф тарзда оммага очиқланади. Яъни, қайси амалдор қаерда, қанча пулга дам олаётганидан халқ ҳабардор бўлиши шарт. Халқ солиқлари ҳисобига яшайдиган ҳукумат вакилларининг қандай дам олиши оммага очиқланадиган маълумот бўлиши лозим. Бу коррупцион ҳолатларни чек қўйилишига ҳам ёрдам беради. Аммо, шу вақтгача бирон бир матбуот котиби бу ҳақида маълумотни бергани йўқ.

Ўйлаймизки, ҳукумат тузулмаси матбуот котиблари ОАВ орқали ўз раҳбарларининг қайси давлатга, нечи кунга дам олишга кетгани, қанча ҳаражат давлат ҳисобидан кетаётгани борасидаги аслида халқ билиши керак бўлган маълумотларни очиқлайди.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
43
Изоҳ қолдириш
Изоҳлар
12.03.2022 20:56
Mazzami
09.01.2022 17:40
ничего,хокимлар хозир бораверсин, биз укитувчилар, маошимиз 1000$ булишини кута турамиз
08.01.2022 10:47
Yaxshi dam olib kelinglar. Yana qaytib kelib zur shijoat bilan ishlaysizlar. Ancha charchagansizlar.
06.01.2022 01:19
Узр, фикрим чоп этилганини кўрмай қолибман, таҳририятдан минг бор узр сўрайман, омад Сизларга!!!
06.01.2022 01:18
Қнақанги фикр, фикрлар барибир чоп этилмайди. Рост24 номини бошқа муносиб номга ўзгартириш керак
06.01.2022 00:44
artistlardan kam joyi bormi
05.01.2022 02:50
Яширмайман, менга 400 000 сўм кам таъминланган оила сифатида ёрдам пули берилмоқда, бунинг учун ҳукуматга катта раҳмат. Ҳозирда газ тўловидан қарзим бор, январь учун тўлов қила оламанми ёки йўқ ҳали номаълум, сабаби контракт пулини тўлашим керак, оилага ун ва ёғ олишим керак, малда охиригача қуриб битказилмаган теплица ҳисобига кредит тўловидан 8 000 000 сўм қарзим бор, яна нима дейишим мумкин, қолганини ўзингиз хулоса қилиб олаверинг. Ҳоким буваларга чет элнинг энг сўлим гўшаларида яхши хордиқ чиқариб келишликларини тилаб қоламиз!!!
04.01.2022 15:23
Х,амма яхши нарсалар мух,тарам амалдорлар учун. УРА!
04.01.2022 14:20
Soʻkongʻichlar kuch toʻplab kelisharkan-da
04.01.2022 14:12
Kimning hisobiga? Saylovda shu uchun ovoz berdikmi?
04.01.2022 03:28
Хамма вилоят ва туманларда хам катта узгаришлар буляпти, Президентимизнинг топширикларини шу хокимлар бажаряпти(Москва сразу не строилась). Мухокамачиларнинг купчилиги махаллада, иш жойида шунча фаол булганда янада куп узгаришлар буларди. Чет элга ким борсин: адолат билан айтинг, махсулотни етиштиришга ким куп жон куйдиради, галла деб, пахта деб , ишла деб фермерга ёмон куринган ким. Ижтимоий тармокларда мухокомаларга сабаб булганлар ким. Чет элга чикса дунёкараши кенгаяди, битта маданият олиб келса хам хисоб.
04.01.2022 00:04
Menimcha dam olish xarajatlari ochiqlanmaydi, shunchaki bir oz sukut saqlashadi tamom, kupi bn 20 kun ichida bu mavzu eskiradi/unutiladi.
03.01.2022 20:41
Дамни чарчаган ОДАМ олиш керак.Булар Нима иш килди.Нега вазирликлар йил сархисобини халқга топширмайди.
03.01.2022 19:22
Eh
03.01.2022 18:31
Gap yuq
03.01.2022 17:54
Узбекистон буйича уша амалдорларни сонини аник, санаб чикиб очиклаш вакти келди. Уларни халк уз хисобидан бокиб кевотти. Узи емаган ичмаган курмаган жойларда амалдорлар учун шароит яратиб. Бас ! Етар энди ! Халк билсин буларни сонини ва курашсин.
03.01.2022 17:00
Oddiy oqituvchi xatto sogligini tiklashga mablagi ortmaydi,axir amaldor,rahbarlarni ustoz oqitib tayyorlaydiku ,qachon ustozni mavqeini ,oyligini oshiradi,bularni dam olishiga sarflagan mablagini davlat koproq oqituvchini darslarini qisqartirish evaziga olmoqda .Hatto yangi yilga 40 foil oylikni oldik ,dam olishni tasavvur ham qilolmaymiz ,alam qilarkan.
03.01.2022 15:41
Хаммасини тўплаб, ўзлари дарахтсиз қолдирган худудларда, қишда эмас, айни ёз чилласида қовжиратиб дам олдириш керак..
03.01.2022 15:19
Бизни Узбекистан Давлатга кундузни кундиз демай кечани кеча демай ишлаган буюк корни катта Калласи бум Буш Амалдорларимизга Шону шараблар булсин.Агар ори виждон инсонийлик гурури булганда чет элда дам олишга боришармиди.
03.01.2022 14:53
Dadaxon Hasan oʻz ashulasida "Ammo odam boʻlmaydilar" deb bilib aytgan
03.01.2022 14:52
Кайси кароматига дам олиш керак.
03.01.2022 13:17
maqola juda yoqdi. bir tiyinga qimmat amaldorlar million-million sarflab dam olishi bu mantiqsizlik.