Журналист сифатида интернетда турли лойиҳаларни излар эканман бир очиқ стипендияга дуч келдим. Ойига икки минг АҚШ доллари маош тавсия қилган фонд блогерлардан ўзи яшаётган ҳудудда ЛГБТларнинг қараши ва ҳуқуқларини ҳимоя қилишни сўраган. Мазкур стипендия ЛГБТ ҳуқуқлари чекланган давлатлар учун янада кўп ва кенг тармоқли экан.
Шунда мен шу каби молиялаштириш манбалари ҳақида кўпроқ ахборот излашга уриниб кўрдим. Афсуски, бундай грантлар жуда кўп ва чегара билмас экан. Ҳар қандай жамиятда ана шундай фонд пулларига молиявий манба сифатида қизиқиб кўрувчилар топилиши аниқ. Бундай грант соҳиблари эса куни кеча Амир Темур хиёбонида рўй берган каби вазиятларни келтириб чиқармаслигини ким кафолатлай олади? Қолаверса, нисбатан танилган блогерлар ҳам ЛГБТларни ҳимоя қилиб чиқаётганини гувоҳи бўлаяпмиз.
Маълум бўлишича бугунги кунда катта молиявий маблағларга эга бўлган йирик бизнес компаниялари ЛГБТ жамиятларини қўллаб келади. (Уларнинг номини очиқ келтиришни истамадик) The global LGBT community маълумотларига кўра ЛГБТ қарашларига мансуб шахсларнинг қўлида катта миқдордаги бизнес мавжуд. Яъни дунёдаги йирик ишлаб чиқариш трансмиллий компаниялари раҳбарлари орасида шундай қарашга эга бўлган шахслар бор. Улар бугунги кунда одамларда ўзларига нисбатан ижобий қарашларни кенгайтириш учун катта молиявий маблағлар ажратиб келмоқда.
ЛГБТ жамиятига мансуб бизнесменлар алоҳида бир давлат тузса у ривожланган давлатлар орасида (4.6 триллион АҚШ долларига тенг ички ялпи маҳсулотга эга) тўртинчи ўринда турувчи кучли иқтисодий давлатга айланади. The American Conservative нашрининг маълумотига кўра, ЛГБТ жамиятларини ҳимоя қилувчи нодавлат нотижорат ташкилотлар фаолиятини молиялаштириш йирик ижтимоий инженеринг лойиҳа ҳисобланади.
Бугунги кунда биз билган ва маҳсулотларини истеъмол қилиб келаётган йирик компаниялар ҳам ЛГБТ қарашларни ҳимоя қилиб келади ҳамда уларни қўлловчи ННТлар учун маблағ ажратиб туради.
ЛГБТ жамиятлари ўзларининг пушти иқтисодиёт йўналишини яратган бўлиб, бугунги кунда пушти иқтисодиёт рақамлашиб ҳам улгурган. Ҳаттоки ўзларининг криптовалюталарига ҳам эга.
Юқорида айтилган маълумотга қайтсак, ҳақиқат шуки бугун ЛГБТ жамиятини молиялаштирувчи манбалар бизнинг чегараларимизни ҳам забт этиб улгурди.
Энг ачинарлиси шундаки, молиявий манбалар нафақат ЛГБТ жамиятларини ҳуқуқий ҳимоя қилишни балки, “ўзларига ўхшаганларни” кўпайтиришни ҳам кенг тарғиб қилиб келадилар.
УЗ
-middle.jpg)