“UNICON SOFT” — давлат ва бизнес учун ишончли СИ хизматларини таклиф этади

“Unicon Soft” компанияси сунъий интеллект йўналишида тўлиқ циклли хизматларни тақдим этади. Хизматларимиз СИ инфратузилмасини лойиҳалашдан тортиб, амалда ишлаётган ва реал натижа бераётган СИ асосидаги ахборот тизимларини жорий этишгача бўлган барча босқичларни қамраб олади.

Биз қандай ишлаймиз?

Unicon Soft’нинг ишлаш модели аниқ ва натижага йўналтирилган:

Сервер → СИ платформа → СИ модель → Интеграция → Амалий натижа

Бу ёндашув ҳар бир лойиҳанинг техник, бизнес ва хавфсизлик талабларига тўлиқ мос ҳолда амалга оширилишини таъминлайди.

NVIDIA GPU инфратузилмаси ва СИ серверлари

Компания замонавий NVIDIA GPU технологиялари асосида қурилган юқори унумли СИ серверларини етказиб беради. Биз H200, B200 ва B300 асосидаги NVIDIA AI серверларини энг қисқа муддатларда таклиф этамиз.

Хизматлар қуйидагиларни ўз ичига олади:

• серверларни ўрнатиш, тўлиқ созлаш ва ишга тушириш;
• дата-марказда ёки мижоз ҳудудида (on-prem) жойлаштириш;
• мавжуд инфратузилмага мослаштириш ва оптималлаштириш.

СИ интегратор сифатидаги хизматларимиз

Unicon Soft мижоз эҳтиёжларидан келиб чиққан ҳолда комплекс СИ ечимларни ишлаб чиқади ва жорий қилади:

• мижоз талабига мос СИ моделларни яратиш;
• мавжуд тайёр моделларни мослаштириш ва такомиллаштириш (fine-tuning);
• СИ асосида ишловчи ахборот тизимларини лойиҳалаш ва ишга тушириш;
• мавжуд корпоратив тизимлар билан интеграция (ERP, CRM, Billing, Workflow, DWH, API ва бошқалар).

Ахборот хавфсизлиги ва киберхавфсизлик

Компания ахборот хавфсизлиги масалаларига алоҳида эътибор қаратади. Барча ечимлар давлат ва корпоратив хавфсизлик талабларига тўлиқ мос ҳолда ишлаб чиқилади.

• барча маълумотлар ёпиқ тармоқ ичида қайта ишланади;
• ташқи булутлар ёки учинчи томон серверларидан фойдаланилмайди;
• тўлиқ on-prem ёки маҳаллий GPU инфратузилмаси қўлланилади;
• маълумотлар мижоз ҳудудидан ташқарига чиқмайди.

Ўзбекистонда GPU серверларини ижарага бериш

Яқин орада Unicon Soft Ўзбекистон ҳудудида жойлашган GPU серверларини ижарага бериш хизматини ишга туширади. Ушбу хизмат қуйидаги вазифалар учун мўлжалланган:

• CB моделларни ўқитиш (training);
• fine-tuning ва inference жараёнлари;
• Big Data таҳлил ва аналитика;
• пилот лойиҳалар ва муваққат СИ ечимлар.

Бу хизмат компанияларга катта сармоясиз замонавий СИ ҳисоблаш қувватларидан фойдаланиш имконини беради.

Кимлар учун мўлжалланган?

Unicon Soft’нинг СИ ечимлари қуйидаги ташкилотлар учун мос келади:

• давлат ташкилотлари, вазирликлар ва идоралар;
• банклар ва молия институти;
• саноат корхоналари ва йирик бизнес тузилмалари.

Боғланиш учун: +998 70 000 77 17 (09:00 дан 18:00 гача)