2025 йил 1 октябрдан тадбиркорлар учун ўзларига тегишли бино ва ер участкаларига туташ, давлат ташкилотларига доимий фойдаланишга берилган аҳоли пунктларидаги умумий фойдаланишдаги ер участкаларида мавсумий тижорат фаолиятини амалга оширишга рухсат берилади. Бу бўйича тегишли қарор қабул қилинди.
Соғлиқни сақлаш, таълим ва мактабгача таълим ташкилотларига тегишли ер участкалари бундан мустасно экани таъкидланган.
Ҳар йили 1 январга қадар туман (шахар) курилиш ва уй-жой коммунал хўжалиги, кадастр, солиқ идоралари таклифлари асосида, туман (шаҳар) ҳокимларининг карори билан келгуси йил учун туман (шаҳар) ҳудудидаги аҳоли пунктларининг умумий фойдаланишдаги ер участкаларида тижорат фаолияти объектларини жойлаштириш схемаси тасдиқланади.
Тижорат фаолияти сифатида ижара ҳуқуқи асосида фойдаланишга берилган ер участкаларининг ҳар бир квадрат метри учун шартнома муддатидан қатъи назар, ер солиғи ставкасининг уч бараваригача миқдорида ижара тўлови тўланади.
Бунда асос қилиб олинадиган ер солиғи суммаси Ўзбекистон Республикасининг Солиқ кодексида белгиланган оширувчи ва камайтирувчи коэффициентлари қўлланган ва солик имтиёзлари қўлланмаган ҳолда ҳисобланади.
Қарорга асосан ер участкаларини тижорат фаолияти учун ижарага бериш ер участкаларини ажратиш (реализация килиш) ҳисобланмайди, ер участкасида бино ва иншоотларни қуриш ёки кўчмас мулкка бўлган ҳуқуқларни давлат рўйхатидан ўтказиш ҳуқуқини бермайди.
УЗ
