Шундан 5,4 млрд. сўмлиги Коррупцияга қарши кураш агентлигида шубҳа уйғотди.
Агентлик хабарида қайд этилишича, вазирлик ва идоралар томонидан 2023 йилнинг январь ойида жами 3,05 трлн сўмлик 77 007 та давлат харидлари амалга оширилган.
Бу харидларнинг энг кўпи ҳеч қандай аукцион ва танловларсиз яъни ягона етказиб берувчилар ва тўғридан-тўғри амалга оширилган харидлар ҳиссасига тўғри келади. Хусусан, 1,86 трлн. сўмлик 27 367 та харидлар ягона етказиб берувчилар билан, 857,57 млрд. сўмлик 27 013 та харидлар тўғридан-тўғри шаклда амалга оширилган.
Шунингдек, 169,8 млрд сўмлик 20 969 та харидлар электрон дўкон, 8,41 млрд сўмлик 725 та харидлар электрон аукцион, 126,5 млрд. сўмлик 932 та харидлар энг яхши таклифни танлаш, 26,38 млрд. сўмлик 1 та харид тендер орқали бўлган.
Коррупцияга қарши курашиш агентлиги ўрганишларида айрим давлат буюртмачилари томонидан давлат харидларини амалга оширишда қонунбузилиш ҳолатларига йўл қўйганини ҳам аниқлаган.
Жумладан, 2023 йилнинг январь ойида жами 5,4 млрд. сўмлик қонунбузилиш ҳолатларини бартараф қилиш ҳамда келгусида шу каби ҳолатларига йўл қўймаслик ҳақида буюртмачиларга 12 та тақдимнома шунингдек, аниқланган ҳолатларга ҳуқуқий баҳо беришлик учун тўпланган ҳужжатларга ҳуқуқни муҳофаза қилувчи органларга юборилган.
Шунингдек, Республика ихтисослаштирилган кардиологияилмий-амалий тиббиёт маркази Самарқанд вилояти минтақавий филиали буюртмачилигида махсус ахборот порталига жойлаштирилган 625 млн сўмлик «Ультратовуш тиббий аппарати» харид қилиш бўйича энг яхши таклифларни танлаш юзасидан берилган эълон ўрганилганида, мазкур давлат харидида ўзаро аффилланган шахсларга тегишли тадбиркорлик субъектлари иштирок этиб, ғолибликни қўлга киритган.
Шу каби, Ёшлар ишлари агентлиги Нуробод тумани бўлими буюртмачилигида махсус ахборот порталига жойлаштирилган 950 млн сўмлик «Замонавий автобус» харид қилиш бўйича энг яхши таклифларни танлаш юзасидан берилган эълон ўрганилганида мазкур давлат харидида ўзаро аффилланган шахсларга тегишли тадбиркорлик субъектлари иштирок этиб, ғолибликни қўлга киритган.
Шунингдек, Мирзачўл туман тиббиёт бирлашмаси буюртмачилигида махсус ахборот порталига жойлаштирилган 150 млн сўмлик «Озиқ-овқат етказиб бериш бўйича аутсорсинг хизмати кўрсатиш» юзасидан берилган эълон ўрганилганида мазкур давлат харидида ўзаро аффилланган шахсларга тегишли тадбиркорлик субъектлари иштирок этиб, ғолибликни қўлга киритганлиги аниқланган.
Мазкур ҳолатларда харид комиссияси томонидан ўзаро аффилланган шахслар харид қилиш тартиб-таомилларида иштирок этишдан четлатилмасдан Ўзбекистон Республикаси «Давлат харидлари тўғрисида»ги қонунининг 23-моддаси ва «Рақобат тўғрисида»ги қонунининг 14-моддаси талаблари бузилган.
Агентлик томонидан киритилган тақдимнома ва сўровномалар натижасида 9 та давлат хариди бекор қилинган ҳамда 3 та маъмурий иш қўзғатилган.
УЗ
-middle.jpg)
