Турдимов йўқ тадбирга 100 млн. сўмлик гул буюртма қилган раҳбарга ҳайфсан берди

01.02.2023 13:35

Самарқанд вилояти ҳокимлиги давлат харидлари тўғрисидаги қонунни қўпол равишда бузган раҳбарият ходимини ҳайфсан билан жазолади.

«Форумлар мажмуаси» комплексидан фойдаланиш ва хизмат кўрсатиш бошқармаси бошлиғи Хамроқул Равшанов йўқ тадбир учун 97 млн. сўмлик жонли гуллар декорациясини буюртма берган. Бу ҳақида rost24.uz нинг сўровидан сўнг шартнома бекор қилинган.

Самарқанд вилояти ҳокимлиги таркибидаги бўлим раҳбарининг бу қилмишини ҳайфсан билан жазолаган.
Маълум бўлишича, Хамроқул Равшанов бошчилигидаги «Форумлар мажмуаси» комплексидан фойдаланиш ва хизмат кўрсатиш бошқармаси мустақил шартнома тузиш ҳуқуқига ҳам эга эмас. Шунга қарамай бошқарма томонидан катта маблағ учун тендер ўтказилиб шартнома тузилган. Бу ўринда ҳокимлик ўтказган тендерда қонун бузилиши аниқланган. Яъни бир кишига тегишли икки фирма тендерда беллашган. Форумлар мажмуасида тадбир кўзда тутилмаган бўлсада қарийб 100 млн. сўмлик шартнома нима учун тузилгани номаълумлигича қолмоқда.

Мазкур коррупцион аломатлар бўлган иш эса Турдимов томонидан меҳнат кодексининг 181- моддаси биринчи қисми 1- бандига асосан ҳайфсан, интизомий жазо бериш билан чекланилган.

Тег: Самарқанд Давлат ҳаридлари тадбир гул буюртма

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади

Изоҳ қолдириш

Изоҳлар

01.02.2023 20:06

❗️RASMIY MUNOSABAT Rost24.uz saytida “Samarqand viloyat hokimligining 97 million so‘mlik sirli shartnomasi” sarlavhasi ostida maqola e’lon qilingan. O‘zbekiston Respublikasining “Davlat xaridlari to‘g‘risida”gi O‘RQ-684-sonli qonunining 27-moddasida Byudjet buyurtmachilarining davlat xaridlari bo‘yicha to‘lovlari maxsus axborot portalida davlat xaridlarini rejalashtirish, xarid qilish tartib-taomillarini amalga oshirish, shartnoma tuzish va ular to‘g‘risida axborot joylashtirish jarayonlari tugaganidan keyin O‘zbekiston Respublikasi Moliya vazirligining G‘aznachiligi tomonidan belgilangan tartibda amalga oshirilishi belgilangan. Shunga ko‘ra, "Forumlar majmuasi" kompleksidan foydalanish va xizmat ko‘rsatish boshqarmasi tomonidan joriy moliya yilining birinchi choragi uchun tuzilgan xarajatlar smetasida bir martalik gullar bilan bezash xarajatlariga mablag‘ nazarda tutilmaganligi hamda boshqarma va “Nastarin gullari group” MChJ o‘rtasida tuzilgan 2023-yil 12-yanvardagi 8-sonli shartnomasi viloyat G‘aznachilik boshqarmasidan ro‘yxatdan o‘tkazilmagan hamda to‘lovlar amalga oshirilmaganligi ma’lum qilinadi. Viloyat Moliya bosh boshqarmasi axborot xizmati.