“Давлат солиқ хизмати органлари фаолияти энди янада шаффоф”, дея расмий равишда маълум қилди бугун Солиқ қўмитасининг амалдаги раиси Шерзод Кудбиев.
Қўмита раисининг маълумот беришича, "Рақамли иқтисодиётга ўтар эканмиз, демак ҳар бир жараён бўйича рақамларда ифодаланган кўрсаткичларни очиқ эълон қилишимиз зарур.
Сўнгги пайтларда солиқ органлари солиқ маъмурчилигини рақамлаштириш бўйича катта йўлни босиб ўтди ва бу борада ҳали кўп ишларни қилишимиз лозим. Шу билан бирга, бугунги кунда солиқ органлари жараёнларни автоматлаштириш ҳисобига олинган маълумотларни очиқ эълон қилишга тайёр.
Шу муносабат билан, Давлат солиқ қўмитаси солиқ органлари фаолиятига доир кўрсаткичлар бўйича ахборотларни мунтазам эълон қилиб бориш амалиётини йўлга қўймоқда".
Шунингдек, Ш.Кудбиев баёнотида бу маълумотлар ҳар ойда даврий равишда эълон қилиб борилиши ва жамоатчиликка солиқ маъмурчилигининг структураси ва динамикасини кўриш, уларнинг ижобий ва салбий тенденцияларини кузатиб бориш имконини бериши айтилди:
"…солиқ маъмурчилигига оид кўрсаткичлар нафақат солиқ органлари, балки бутун жамоатчилик учун қизиқарли ва фойдали маълумотлар ҳисобланади.
Жорий йилнинг 1 декабридан эътиборан ҳар куни эълон қилинадиган ахборотларни кузатиб боришингизни ва биринчилардан бўлиб солиқ маъмурчилигига доир янгиликлардан хабардор бўлишингизни тавсия қиламиз", дейилади Солиқ қўмитаси раиси баёнотида.
УЗ
