Ўзбекистон миллий телерадиокомпанияси тизимида жами 26 теле ва 16 радиоканал 24 соат фаолият кўрсатмоқда. Компанияга давлат бюджетидан миллиардлар ажратилишини одатда миллий манфаатлар тарғиботи ва ахборот майдонида давлат позициясини сақлаб туриш билан изоҳлашади. Бу йил ҳам 561 миллиарддан кўпроқ маблағ бюджетдан унга йўналтирилди. Компаниядаги бошқа каналларга қараганда «Ўзбекистон24»га бир неча баробар кўпроқ маблағ ажратилади. Чунки, у алоҳида «расмий» мақомга эга.
Телеканал журналистлари таърифи билан айтганда «президент канали» бугун энг асосий ахборот манбаи вазифасини ўтай оляптими? Асосан янгиликлар журналистикасидан иборат телеканал кўрсатувларини халқ бугун орзиқиб кутяптими?
Rost24.uz ушбу мавзу юзасидан кичик сўровнома ўтказди.
Сўровнома давомида кўплаб юртдошларимиздан фикрлар олинди. Ўзбекистон24 телеканали ОАВ сифатида давлат ва халқ ўртасида қанчалик кўприк бўла оляпти? Сўралганларнинг аксарияти ушбу телеканални кўрмаслигини айтиб ўтди. Сабаблар эса турлича:
- Асосан бир хил нарсалар такрорланади;
- Ушбу телеканалдаги янгиликларни хусусий телеканалда кузатиш қизиқроқ;
- «Ўзбекистон24» телеканалини кўришга вақтим бўлмайди;
-Фақат яхши жойларни кўрсатади, ҳақиқатдан узоқ;
- реалликдан йироқ, алдов, фақат ҳукуматни ёқлаб чиқаётган кўрсатувлар
- Цензура кучли…
Юртдошларимиз орасида ушбу телеканални томоша қиладиганларнинг асосий қисми ёши катта қатламдаги инсонлар бўлди. Батафсил видеода кўринг:
Аввалроқ, каналимизда Россия пропагандасини Ўзбекистонга таъсири ҳақида тасаввур берувчи сўровнома ҳам ўтказган эдик.
УЗ
