Россияда ўзбеклар аскарликка чорланмоқда, бюджетдан миллиардларни сарфлаётган Маънавият маркази эса уйқуда

12.08.2022 17:36

Ўзбекистонда Маънавият ва маърифат маркази учун бюджетдан жорий йилнинг ўзида 62,3 млрд. сўм маблағ ажратилган. 2021 йилда бу маблағ 90 млрд. сўмни ташкил этган эди.

Рақамларни ўқисангиз сонияда оддий сонлар ҳаёлингиздан ўтиб кетиши мумкин, лекин сонлар ичидаги миллиардлар кичик ҳажмдаги маблағ эмас. Хўш бу пуллар қаерга кетаяпти. Самарали сафланди, дея оласизми?

Марказнинг 2021 йил ҳисоботида жойларда ташкил этилган маърузалардан бошқа жиддий илмий текширишлар, фейк ва дезинформацияларни ўрганиш бўйича тадқиқотларига кўзимиз тушмади. Балки, шунинг учун Маънавият ва маърифат маркази Қорақалпоғистондаги сепаратчи гуруҳлар фаолиятини ҳам пайқамай қолгандир. 2022 йил 1 июль санасида рўй берган воқеалар марказнинг Қорақалпоғистондаги фаолияти қанчалар самарасиз бўлганини кўрсатди. Худди шунингдек, бу марказнинг ижтимоий тармоқлар ва оммавий ахборот воситаларидаги рус пропогандасини ўрганиш ва унга қарши бирон чора кўришига ҳам кўзимиз етмайди.

Маънавият ва маърифат маркази бюджетнинг миллиардлаб пулларини сарфлаб, амалга ошираётган ишлари, тарғиботи сезилмаётган бир вақтда Россиядаги ўзбек диаспораси раҳбарларининг чақирувлари самара бергандек. Ҳар иккиси ҳам тарғибот ва "провакация" билан шуғулланади, аммо негадир бюджетдан миллардлаб маблағ олаётган марказ тарғиботи мевалари кўринмаяпти.

Жамоатчиликни эса саволлар қийнайди: Бугунги кунда Россия фаолият юритаётган ўзбек мигрантлари Маънавият ва маърифат марказининг тарғибот ва маърузалари билан ўстирилган фуқаролар эмасми?

Ушбу марказнинг бутун Ўзбекистон бўйлаб ҳудудий бўлинмалари ва бюджетдан маош олиб ишлаб келаётган ходимлари бор. Улар ватанпарвар фуқароларни тарбиялай олмаганми?

Умуман олганда Марказ ўз низомида кўрсатилганидек ватандошларимизни миллий қадриятларимиз руҳида тарбиялай олмади. Бугун, ўзбекистонликлар нафақат Россияда, балки юртимизда ҳам Россия дезинформацияси билан йўғрилаётганда Маънавият ва маърифат марказининг ижтимоий-маънавий тадқиқотлар институтида қандай тадқиқотлар амалга оширилаётганини тасаввур қилиш қийин эмас.

Россиянинг Перм вилоятида ўзбек диаспораси раҳбари сифатида кўриладиган Жаҳонгир Жалоловнинг "Амир Темур" номидаги ўзбек кўнгиллилар батальони ташкил этиш ва ўзбекларни аскар сифатида Украинага жангга боришга чақириқ ҳақидаги видеолари тарқалган эди. Ушбу видео ортидан Ўзбекистоннинг Россиядаги элчихонаси ватандошларни хорижий давлатлар ҳудудида кўнгилли батальонлар тузиш ва ҳарбий ҳаракатларда иштирок этиш ҳуқуқий жавобгарликка сабаб бўлишини огоҳлантирган.

Шунингдек, «Миллий тикланиш» демократик партияси раиси Алишер Қодиров бошқа давлатлардаги жанговар ҳаракатларда иштирок этишга чақираётган ўзбекистонликлар фуқароликдан маҳрум этилиши ва мамлакатга киритилмаслиги кераклигини айтган. Қодировга кўра, ўзга юртларда ҳарбий ҳаракатларга ёлланишни беш йил озодликдан маҳрум қилиш билан жазолаш самара бермайди. Россиядаги бу ҳаракатлар “Миллий тикланиш” партияси раисини безовта қилгани тайин. Бироқ, бу вазиятни жимгина ҳазм қилаётган бюджет ташкилотлари ҳам бор.

Ҳозирча Маънавият ва маърифат маркази «Амир Темур» батальонини ташкил этишни таклиф қилган ва Ўзбекистон фуқароларини ўзга юртда жангга чорлаган Жаҳонгир Жалоловга нисбатан бирон муносабат билдирмади.

Эслатиб ўтамиз, 2022 йил учун Ўзбекистон Республикасининг Давлат бюджети тўғрисида»ги қонун лойиҳасига кўра, Маънавият ва маърифат маркази учун бюджетдан 62,3 млрд. сўм маблағ ажратилган. 2021 йилда бу маблағ 90 млрд. сўмни ташкил этган эди.

Rost24.uz сайти Маънавият ва маърифат марказининг йиллик фаолияти таҳлилига бағишланган алоҳида мақола эълон қилади. Сайтимиз иккинчи тараф муносабатини ўрганиш мақсадида бир неча ойдан буён марказ раиси билан алоқага чиқишга уринади. Аммо, ҳаракатларимиз самарасиз якунланмоқда. Марказ раиси бизни саволларимиз учун вақт топа олмаяпти. Марказ фаолиятини таҳлил қиларканмиз раис Минҳожиддин Мирзо нима иш билан банд эканлиги ҳақида ҳамон бош қотирмоқдамиз.

Тег: Маънавият маркази Минҳожиддин Мирзо бюджет ташвиқот Россия

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади

Изоҳ қолдириш

Изоҳлар

17.08.2022 02:22

БИЗ ҲАМИША ТИНЧЛИК ВА ЯХШИЛИК ЙЎЛИДАГИ ҲАМКОРЛИК ТАРАФДОРИМИЗ Россиянинг Пермь шаҳридаги ўзбек диаспораси раҳбари Жаҳонгир Жалолов Россияда ишлаётган ва яшаётган Ўзбекистон фуқароларидан Украинадаги ҳарбий ҳаракатларда қатнашиши учун батальон тузиш ташаббуси билан чиққани бугунги кунда ватандошларимизга нисбатан янги маънавий таҳдидлар пайдо бўлаётганини кўрсатмоқда. Жаҳонгир Жалоловнинг бу чиқиши, ўзбекларнинг нафақат у бошчилик қилаётган жамиятга бўлган ишончини сусайтирмоқда, балки Ўзбекистон халқини, Ўзбекистонда яшаётган қанчадан-қанча ота-оналар, турмуш ўртоқларини кечаю кундуз дуои-жонини қилиб турган келинлар, уларнинг фарзандларини ҳам жиддий ташвишга солмоқда. Дунёда энг оғир гуноҳ бу ўз ватандошларинг, сенга ишонган одамларга ҳиёнат қилмоқ, уларни ҳалокатга бошламоқдир. Боз устига бундай гуруҳни Амир Темур номи билан аташни Ўзбек халқига нисбатан ҳурматсизлик сифатида баҳолаш ўринлидир. Албатта, тарихан бир бўлган икки биродар халқ ўртасида юзага келган урушни оқлаб бўлмайди. Бундай шахслар зиддиятни бартараф этиш, урушни тугатиш борасида ташаббус билан чиққанлари чин маънода инсонийлик, маънавиятлилик бўлар эди. Ғурури, ори, ҳамияти бор инсон ўз ватандошларини бундай нафақат қонунга хилоф, балки миллий қадриятларимизга хилоф йўлларга бошламайди. Биз Россияда, Украинада яшаб, ишлаётган фуқароларимиздан ҳамиша огоҳ бўлиб, оқилона иш тутишларини сўраб қоламиз. Ўзбекистон тинчликсевар мамлакат. Биз ҳамиша тинчлик ва яхшилик йўлидаги ҳамкорлик тарафдоримиз. Юртимизда олиб борилаётган ички ва ташқи сиёсатнинг маъно-мазмуни ҳам ана шунда. Давлатимиз ташқи сиёсатда ҳамиша турли ҳарбий блокларга қўшилмаслик, муаммоларни тинчлик ва музокаралар йўли орқали ҳал этиш йўлини тутади. Бу мамлакат тинчлиги, ободлигини таъминловчи энг инсонпарвар йўлдир. Шу боис биз Россия ва бошқа хорижий мамлакатлардаги ватандошларимиздан ҳамиша ҳушёр, мулоҳазали бўлишни, турли ахборот хуружлари, хавф-хатарлардан огоҳ бўлишларини сўраб қоламиз. Минҳожиддин Мирзо, Республика Маънавият ва маърифат маркази раҳбари

16.08.2022 23:23

Ассалому алайкум, жўнатган изоҳларимиз нима учун кўринмаяпти?

16.08.2022 23:16

Ассалому алайкум Рост-24 каналининг аъзолари куни кечагина ижтимоий тармоқ орқали Республика Маънавият ва маърифат кенгаши фаолиятига доир 2021 йил давомида ҳамда жорий йилнинг 6 ойи давомида ўз фаолиятини олиб бориш учун сарфланган маблағлари тўғрисида танқидий маълумотлар берилди. Тариҳимиздан маълумки ҳаёт чорраҳалари доимо эгри-бугри сўқмоқлардан иборат бўлади. Маънавий етук инсонлар эса доимо бу сўқмоқлардан юксакликка интилади. Фидоий Маънавиятчилар эса халқимизнинг бу йўлларида уларга тиргак бўлади. Мен 50 йилга яқин партия, совет ва ҳокимият тизимларида раҳбар ҳодим бўлиб ишладим. Бугунги кунда. Маънавият ва маърифат соҳасида фаолият олиб бормоқдаман. Собиқ “Қизил империя” даврида ҳамда Ўзбекистон мустақиллигининг илк йилларида маънавият соҳасига этибор раҳбарлар томонидан панжа ортидан қаралган. Фидоий маънавият соҳаси ишчи-ҳодимлари эса 10 йиллаб ойликсиз, арзимаган тушумлар эвазига ишлаган. Нега ўша вақтларда маънавиятчилар олиб борган ишларга ҳеч ким аралашмади, ёки нега ойликсиз ишлаяпди деб раҳбарларни танқид қилмади,Маънавиятчиларни ҳимоя ҳам қилмади Оллоҳга беадат шукрлар бўлсинки Юртбошимиз Ш.М.Мирзиёев раҳбарлигида 2017 йилда Маънавият соҳасида “ТАРИҲИЙ” қарорлар қабул қилинди ва Маънавият соҳаси ҳодимлари ҳам бюджет маблағлари хисобидан ойлик маош олиш бахтига эга бўлдилар. Бироқ ўзбек халқида чиройли бир мақол бор “ГУРУЧ КУРМАКСИЗ БЎЛМАС” бу мақол халқимизнинг узоқ йиллик ҳаётий тажрибалари асосида келиб чиққан. Ўз ватанини сотиб бугунги кунда Россия давлатларида юрган Жаҳонгир Жалоловнинг ўзбек йигитларини Украинага жангга боришга чорлаган даъватини ROST-24 каналига ўз муносабатини қолдирган шахсларни Республика Маънавият ва маърифат марказининг барча ФИДОИЙ ҳодимларини айбдор қилиши учун асос бўлолмайди. Чунки бундай “КУРМАКЛАР” тариҳимизнинг ҳар-бир даврларида бўлган. Тўғри , бази-бир соҳаларга катта маблағлар жалб этиладида, бир йилда бу сохада ўзгаришлар ўз меваларини кўрсатади. Бази соҳалар учун эса бир неча йиллар керак бўлади. Маънавиятимиз учун олиб борилаётган ишлар ҳам йиллар давомида ўз мевасини беряпди. Булмаса бугун дунёнинг ман-ман деган ривожланган давлатлари Янги Ўзбекистонни тан олиб ютуқларимизга ҳайрат билан боқармиди. Тўғри, Маънавий маърифий ишлар соҳамизда камчиликларимиз бор чунки биз ишлаяпмиз. Маънавият сохасида бу йўлдан борасан деган қатъий қолиплар йўқ. Ишлаган инсонлардагина камчилик бўлади ва буни иш давомида тузатиб боради. Маънавият шундай бир улуғ соҳаки у инсонни қалбларини меҳрга тўлдиради, виждонини уйғотади ва ҳар бир инсон қалбида шаффофлик, ўз юртига меҳр, ватанни севиш, ўз она юрти учун жонини фидо қилиш туйғусини ҳар бир инсонда уйғота оладиган такрорланмас беқиёс бир кучдир. Ўзбек халқи Маънавияти улуғ, ўтмиши қадрятларга бой, ЎЗБЕК ўз номи билан “БЕК” халқдир. “ИТ ХУРАР, КАРВОН ЎТАР” деганларидек бизни карвонимизни сархадлардан юксакликка олиб ўтувчи мард, жасур Сарбонимиз, Республика Маънавият ва маърифат кенгаши раиси Ш.М.МИРЗИЁЕВдек ўз бошлаган йўлидан қайтмас йўлбошчимиз бор.. Мен бугун Тўрақўрғон туман Маънавият ва маърифат маркази раҳбари, бир Маънавият фидоий ҳодими сифатида ушбу фикрларимни ўз номимдан РОСТ-24 каналида очиқ-ойдин ёритишингизни сўрайман. Чунки бугун Янги Ўзбекистон халқи Маънавиятига отилган тош келажагимизга, миллий қадриятларимизга отилган тош демакдир. Республика Маънавият ва маърифат маркази Тўрақўрғон тумани бўлинмаси раҳбари М.Бегматова

16.08.2022 22:38

16.08.2022 05:52

Ассалому

15.08.2022 21:24

Ўзбекистон Республикаси Президенти – Республика Маънавият ва маърифат кенгаши раиси Ш.Мирзиёев маънавий ишлар самарадорлигини ошириш ҳақида гапирар экан: “Кимки маънавият масаласи – бу фақат Маънавият ва маърифат маркази ёки тегишли вазирлик ва идораларнинг иши деб ўйласа, хато қилади” деган фикрни билдириб ўтган ҳамда ушбу жумлалар “Янги Ўзбекистон стратегияси” китобида ҳам ўз ўрнини топган.

15.08.2022 20:50

АМЕРИКАЛИК СУДЬЯНИНГ ҲАЙРАТЛАНАРЛИ ҲУКМИ. Ўн беш ёшли бола, Америка дўконларидан бирида нон ва пишлоқ ўғирлаётиб, дўкондор тамонидан ушланади ва қочиш учун уринганида, тасодифан токчани ағдариб юборади. Бу холатдан жазавага тушган дўкондор, болани полиция маҳкамасига топшириб, устидан арз қилади. Полиция ўз навбатида, болани қилмишлари учун, жавобгарликга тортишни судга оширади. Судья: Суд жараёнида болага, сиз ҳақиқатдан ҳам дўкондан бирор нарса ўғирладингизми? Нон ва пишлоқ ўғирлаб, дўкон токчасини ағдардингизми? Деб савол беради. Бола: Ўзини айбдорлигини ҳис қилиб, кўзи ёшланган холда, шундай қилганини тан олиб, тўғри жавоб берди. Судья: Сизни ўғирлик қилишга нима мажбур қилди? Бола: мени нонга муҳтожлигим бор эди. Судья: Хўп майли, лекин нима учун сотиб олмасдан, ўғирлик қилдингиз? Бола: Менинг пулим йўқ эди. Судья: Ахир сиз, ота-онангиздан пул сўрашингиз мумкиндир, ёки ота-онангиз ҳам, сизга нон учун пул беришмайдими? Бола: Мени фақат ёлғиз онам бор, у ишлай олмайди, ҳозир оғир дардга чалиниб, очликда ётибди, мен уни қорнини тўйғазишим учун, дўкондан нон ва пишлоқ ўғирладим. Судья: Хўп ундай бўлса, сиз ва онангиз қандай қилиб кун кечираяпсиз, сиз ҳар доим шундай қилиб, ўзингиз ва онангиз учун, нон ўғирлаб кун кўраяпсизми? Бола: Йўқ бу биринчи марта ўғирлик қилишим, мен шу пайтгача машиналарни ювиш шаҳобчасида ишлаб, пул топар эдим, онамни аҳволи оғирлашгани учун, бир кун ишга чиқаолмай қолдим ва шу сабабли ишдан бўшатилдим. Судья болага савол беришдан тўхтади ва одамлар кўп бўлишига қарамай, сукунат ҳукумрон суд залида, чуқур ҳаёлга шўнғиб, анча вақт ўйланиб қолди. Шундан сўнг оғир хўрсиниш билан, ҳукмни эълон қилди. Жамиятимиздаги бу ўғирлик, яни ачинарлиси иложсиз қолган ёш боланинг, нон ўғирлаши, бу ўта шармандали холат. Шундай экан суд залида ўтирган барча, шу жумладан мен ҳам бу холатга жавобгармиз, шуни инобатга олган холда. Мен мазкур холат бўйича, ҳаммани 10 доллордан жаримага тортишга қарор қабул қилиб, ҳукм чиқардим. Шундан келиб чиқиб, ҳеч ким 10 доллор жаримани тўламагунча, суд залидан ҳеч қаерга чиқмайди. Судья, ўзини чўнтагидан 10 доллирлик чиқариб қўйди ва қалам билан қағозга ёза бошлади. Мен шунинг билан бирга, оч болани полицияга олиб келгани учун, дўкондорни ҳам 10 доллор жаримага тортилганлигини билдириб ўтаман, агар жарима бир соат ичида тўланмаса, дўкон жарима тўлангунга қадар ёпиқ қолиши таъминланади. Бундай суд жараёнига гувоҳ бўлиб, судьяни ҳукмини эшитган, суд залидаги барча одамларни бўғзи тўлиб, кўзларига ёш қалқиди. Судья қўшимча қилди: Агар кимдир иложсизлик ва очликдан, бирор жойдан нон ўғирлаётган бўлса, билингки бу жамиятдаги ва давлатдаги барча инсонлар, шарманда бўлишлари керак. Судья жаримадан йиғилган пулларни ҳаммасини болани қўлига берди ва ундан кечирим сўраб, оғир хўрсинганича кўзларига ёш тўлиб суд залини тарк этди. (ҳикоя интернетдан олинган) Хулоса ўзингиздан

14.08.2022 16:04

Сиз “Оммавий ахборот воситалари тўғрисида”ги, “Ахборот олиш кафолатлари ва эркинлиги тўғрисида”ги, ”Ахборот эркинлиги принциплари ва кафолатлари тўғрисида”ги, умуман оммавий ахборот воситалари тўғрисидаги бошқа қатор қонунлар, “Давлат ҳокимияти ва бошқаруви органлари фаолиятининг очиқлиги тўғрисида”ги, “Фуқароларнинг мурожаатлари тўғрисида”ги қонунларни биласизми? Ушбу қонунларнинг бирортасида биринчи раҳбарнинг шахсан ўзи томонидан тегишли маълумотларни бериши кераклиги аниқ кўрсатилганми? Мурожаатларнинг мазмун-моҳиятидан келиб чиқиб вазирлик, идора ёки ташкилотнинг ушбу масалага масъул кишиси амалдаги қонунчиликка асосан жавоб бериши ёки ташкилот ёзма равишда мурожаат қилувчига жавоб хати йўллаши керак эмасми? Мақолада билдирилган фикрларга кўра, сиз фақат биринчи раҳбар билан учрашмоқчи бўлгансиз. Бу амалдаги қонунчиликка зид эмасми? Мақолада Маънавият ва маърифат маркази учун Ўзбекистон Республикасининг “Давлат бюджети тўғрисида”ги қонун лойиҳасига кўра, бюджетдан ажратилган маблағлар аниқ рақамларда келтирилган. Бу қонун лойиҳаси. Амалда эса бу маблағ қанча эканлиги ва қайси мақсадлар учунлиги билан қизиқиб кўрдингизми? Умуман олганда нотўғри берилган маълумотлар, билдирилган нотўғри фикрлар учун қатор қонунлар олдида қандай жавобгарлик борлигидан хабарингиз борми?

14.08.2022 14:10

Жуда тугри ёзибсиз...Атрофини Хитой деворидек ураб, узларидан шох ясаб олган бу маънавиятни катталаридан тортиб, уша ерда кунини утказиш билан шугулланаётган дохоларни бутунлай йукотиш керак...Тадбир киляпмиз деб халкка бир нафи тегмаётган бундай разилларни тизимда колдириш асло мумкин эмас.Маънавий бузукларни аслида шу тизимда ишлаётгани ачинарли...Хали Оллохни олдида жавоби бор, шунча пулларни хавога совураётган бу кимсаларга...

13.08.2022 16:55

Қаерда кўрдингиз бирор бир маънавият ходими коррупция қилиб шуни орқасидан қўша-қўша уй ёки автомоби олганини? Сиз ўзи шу тизим ходимлари фаолияти билан танишмисиз? Нодавлат ташкилоти бўлиб давлат бюджетидан ойлик олиб ишлаши мумкиндир лекин сиз ўша Россияда ҳарбий гуруҳларга фуқароларни қўшилиб кетиши эхтимоли бўлган ва бунга айбдор деб марказ ходимларини кўрсатибсиз. Аслида оилада тарбияни марказ ходоимлари эмас ота-она бермайдими? Миллатини сотадиган (сиз айтгандек) ёки ота-онасига раҳмат келтирадиган фарзандлар ҳам оилада тарбия топмайдими? Туманда 200 минг нафар аҳоли бўлса 2 нафар марказ ходими бор булар эса сиз ўйлаганчалик "отни калласидек" маош олмайди олган маошини эса ҳалоллаб олади ишонмасангиз тизимни ичига киринг ва ўрганинг. Қачонки, сизга ўҳшаган "ватанпарвар", "жонкуяр" блогерлар ва ОАВ вакиллари ҳолислик билан жамиятдаги ва ўз оиласидаги ота-оналик вазифасини виждонан бажарса сиз айтгандек тирноқдан кир қидириб юриш кам бўлади.

12.08.2022 23:46

Рахмат сизга.Итни кейинги оёги булиб колаётган маьнавият ва маьрифат маркази фаолияти хусусида куйилган хакконий саволлар ва суриштирув учун.Халкни нонини есаю,унга зигирчалик нафи тегмайдиган бу ташкилотни юзини бизга очиб беряпсиз.Шахсан узим бу ташкилот тулик давлат бюджетидан молиялаштирилиши хаёлимга келмаган эди.Эх нонкурлар дегим келади.Сизни эса миллат олдида доимо юзингиз ёруг булишини тилайман.Хак йулдасиз,йулингиз чарогон булсин.