Ўзбекистон Республикаси Конституциявий судининг раиси Мирзо-Улуғбек Абдусаломов бугун 70 ёшга тўлди.
Мирзо-Улуғбек Абдусаломов 1952 йил 14 февралда Сирдарё вилоятида туғилган. Тошкент давлат университетини тамомлаган. Мутахассислиги – ҳуқуқшунос, юридик фанлар номзоди, Ўзбекистонда хизмат кўрсатган юрист.
Меҳнат фаолияти:
1995—2004-йиллар — Ўзбекистон Республикасининг Олий хўжалик суди раиси.
2004—2005-йиллар — Ўзбекистон Республикасининг Конституциявий суди раиси.
2005—2021-йиллар — Ўзбекистон Республикаси Марказий сайлов комиссияси раиси.
2021-йилдан ҳозирги вақтгача — Ўзбекистон Республикасининг Конституциявий суди раиси.
2021 йилга қадар қарийб 16 йил давомида Марказий сайлов комиссиясини бошқарган. 2021 йил 5 февраль куни эса амалдор Сенатнинг ўн иккинчи ялпи мажлисида Конституциявий суд судяси лавозимига тасдиқланган эди.
Бугун Мирзо-Улуғбек Абдусаломовнинг таваллуд топган куни ва амалдор 70 ёшга кирди. Хўш энди бу амалдор вазифасидан озод қилинадими? Бу бўйича қонунларимиз нима дейди?
“Ўзбекистон Республикасининг Конституциявий суди тўғрисида”ги Қонун 7-моддасига биноан, Конституциявий суднинг судъяси лавозимида бўлишнинг энг юқори ёши қонун бўйича 70 ёшни ташкил қилар экан.
Қонун бўйича, Мирзо-Улуғбек Абдусаломов лавозимини 71 ёшга тўлгунга қадар тарк этади. Аксинча бўлса “Қонунлар шахсларга қараб ўзгариб туради”, деган назария такрорланади. Кўрамиз, кузатамиз…
УЗ
-middle.jpg)