ИИВ вазирига тизимдаги муаммоларни айтиб видеомурожаат йўллаган "участкавой"га 7 та модда билан айблов қўйилди

15.01.2022 09:20

Ижтимоий тармоқларда тарқалган "Инсон қадри учун" номли видеомурожаатда Наманган шаҳар Сумалакгузар МФЙ катта лейтенанти Сардор Отабоев Ички ишлар тизимида авж олаётган "планвозлик"лар, соҳадаги камчиликлар ҳамда бюрократик ҳолатлар ҳақида маълумот берган эди.

"Раҳбардан шахсий ҳақ-ҳуқуқингизни талаб қилсангиз иғвогар бўласиз, хизматини қилсангиз "у" бўласиз, бирон гапни етказсангиз "козёл" бўласиз, биз бу тизимга тушунмаяпмиз. Бир келиб Намангандаги ИИБни текшириб кетсангиз", дея Ички ишлар вазирига мурожаат қилинади видеомурожаатда.

ИИВ бу ҳолатга тезкорлик билан жавоб қайтариб мурожаатчи Сардор Отабоевнинг "хавфли рецидивист, ўз хизмат бурчидан фойдаланиб фирибгарлик содир этгани"ни аниқлади ва унга кўра, ЖК 168-модда, 3-қисм "б", "в" бандлари билан жиноят иши қўзғатилиб, тергов ҳаракатлари олиб борилаётгани ҳақида хабар беришди.

Натижада Сардор Отабоев ишдан бўшатилган ва қамоққа олинган.

Сўнгги маълумотларга қараганда собиқ катта лейтенант Отабоев жами 7 та модда билан айбланган.

Жиноят кодексининг:

  1. 206-моддаси 1-қисми(Ҳокимият ёки мансаб ваколати доирасидан четга чиқиш);
  2. 230¹ моддасининг (Далилларни сохталаштириш (қалбакилаштириш) 1-қисми (а. бир гуруҳ шахслар томонидан олдиндан тил бириктириб содир этилган бўлса);
  3. 168-моддаси (Фирибгарлик) 3-қисми "б", "в” бандлари (б. такроран ёки хавфли рецидивист томонидан, в. хизмат мавқейидан фойдаланиб содир этилган бўлса);
  4. 209-моддаси (Мансаб сохтакорлиги) 2-қисми "а" банди (а. такроран ёки хавфли рецидивист томонидан);
  5. 238-моддаси (Ёлғон гувоҳлик бериш) 2-қисми (Суриштирув олиб бориш, дастлабки тергов ёхуд ишни судда кўриш чоғида ёлғон кўрсатувлар бериш учун гувоҳни ёки жабрланувчини ёки ёлғон хулоса бериш учун экспертни ёхуд нотўғри таржима қилиш учун таржимонни пора эвазига оғдириб олиш, худди шунингдек уларга ёки уларнинг яқин қариндошларига руҳий, психологик, жисмоний таъсир кўрсатиш ёки бошқача тарзда таъсир кўрсатиш орқали ёлғон кўрсатув беришга мажбур қилиш);
  6. 205-моддаси 1-қисми (Ҳокимият ёки мансаб ваколатини суиистеъмол қилиш);
  7. 208-моддаси (Ҳокимият ҳаракатсизлиги) каби моддалари билан айблов эълон қилингани ўқиб эшиттирилди.

 

Сардордек Отабоев бундай айблов хулосаси билан таниш эмаслиги сабабли суд 24 январгача танаффус эълон қилди.

Унгача айбланувчи яна қамоқда сақланади.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
18
Изоҳ қолдириш
Изоҳлар
20.01.2022 09:43
Хеч качон ишингизни исботсиз ва далилларсиз бажарманг. Русчани урганинг чунки купчилик технологиялар айнан рус тилида изох берилади ва ёритилади. Нахотки полиция булимларининг кирди-корларини ошкор килувчи ва худди Россияда мавжуд булганидек УСБ яъни Уз узини хафвсизлигини химоя килиш органлари бизда фаолият юритмаётган булса. Нахотки участка нозирлари етарли даражада технологиялар билан таъминланмаётган булса. Чунки хамма ахборотлар исботсиз. Бошка шахарларда хам шунака беспредел яъни тартибсизликлар мавжудмикан балки?
17.01.2022 18:41
Шунча камчилиги бор мошенник рецедивистни кандай килиб ииб тизимига ишга олган эканлар оила аьзолариниям текшириб куринглар биронта котил хам чикиб колар бази очилмаган ишларни епиш учун
16.01.2022 20:30
Bu tizimimiz, menimcha, uzoqqa bormaydi. Hamma soha sekinlik bilan izdan chiqyapti.
16.01.2022 18:34
Билганигча яша деган замон бу
16.01.2022 12:11
Қоил рахмат сизларга шундай хавфли жиноятчини ушлабсизлар ааааа тиниб тинчимаган одамлар нималарни ўйлаб топишмайди эээээййй.
16.01.2022 07:05
Tizimdagi xatolarni gapirish amaldorlarga amalingni suiste'mol qilma deyish nima bu xavfli residevist bo'ladimi. Unda bu poraxo'r, dangasa rahbarlarni nima deyish mumkin.O‘g‘rimi yoki sotqin. INSON QADRI QANI. HAQIQATNI AYTGANLARNI QAMANGLAR OXIRI NIMA BO‘LARKIN. Qozog'istonni ahvoli boshlaringga tushadi bu ketishda.
15.01.2022 22:20
Olding endi.
15.01.2022 16:52
Виждонсиз рахбарлар ваколатидан файдоланишеверади.
15.01.2022 13:05
Ҳақиқат, йўқж виждонан ишлиман диганлани кўпчилик бўлиб йўқ қилишади. Бечора ёлғиз ўзи ҳеч нарса қиломийди, улар кўпчилик, уларга Оллоҳ бас келсин илоё.
15.01.2022 11:46
Ички Итлар Вазирлиги